طريقة التحضير
0/0 الخطوات المستعملة- اأول حاجة، نديرو الماء في كاسرونة، و نذوبوا الشكلاط في حمام مريم مع الزبدة و نحركوا مزيان، و كانصحكوم أ الحادكات، دائما ملي نبغيو ندوبو الشكالط في حمام مريم ، لازم الاناء مايقيسش الماء باش مايفسدش لينا الشكالط و ما يتحرقش و نستمرو في التحراك حتى يبان لينا الشكلاط قرب يذوب و نطفيو عليه العافية و نخليوه يكمل الذوبان ديالو غير بالسخونية.
- في إناء نغربلو الدقيق مع نصف معلقة صغيرة ديال خمارة إديال و نزيدو قبسة ديال الملحة، نخلطو كولشي و نخليوها جانبا، و ناخدو إناء، و نديرو فيه البيض، السكر سنيدة و سكر فاني إديال و نطربو حتى يتضاعف الحجم ديالو و يولي مهوي مزيان.
- نضيفو الشكلاط لي سبق لينا ذوبنا على البيض لي طربنا، و نضيفوا عليهم خليط الدقيق و نحركو حتى نحصلوا على خليط متجانس، و ماننساوش نخلطوا برفق باش نحافظو على الهواء اللي في البيض، و نضيفو حبيبات الشكلاط، و كانصحكوم تخليو شوية للتزيين.
- ناخدو جيب الحلواني و نعمروه بالخليط ديالنا و نديرو نقيطات صغار في الجناب ديال اللاطة باش مايتزعزعش لينا ورق الطبخ و نشكلو الكوكيز ديالنا بمساعدة جيب الحلواني و إلى بغيتو يجيكم شكل جميل و كايشهي أكثر، زينو بشوية حبيبات الشكالط من الفوق و ندخلوهم للفران على درجة حرارة
170 لمدة 10 دقائق. .
شاركي برأيك