طريقة التحضير
0/0 الخطوات المستعملة- فكسرولة فوق نار مهيلة، نديرو نصف كمية السكر يسخن شوية حتى يذوب مزيان و نضيفو الكمية لي بقات حتى يولي كراميل، نضيفو الزبدة ونخلط بشوية حتى تذوب وتندمج مع السكر، نضيفو الكريمة و ساشي سكر ڤانيليا إديال …نطفيو على البوطة و نضيفو الشكلاطة البيضاء ، ونحرك الكل حتى تدوب وتولي كريمة متجانسة و نزيدو رشة ملح باش تعطي توازن فالمذاق، نكبو الخليط ديالنا فإناء و نغطي الكريمة بـ بلاستيك غدائي مباشرة على السطح باش ما تتكونش طبقة، ونخليها تبرد تماماً على الأقل 6ساعات في التلاجة
- فإناء نديرو نصف لتر ديال الحليب بارد مع 2 علب من مستحضر كلاص نوغا إديال، نطربو كولشي مزيان بالطراب الكهربائي لمدة 10 دقايق، نضيفو البخاليني، ياغورت كراميل، و باستعمال الباطور نطربو الكل حتى نحصل على كريمة خفيفة.
فنفس الإناء، نزيدو نصف كمية اللوز المهرمش والمحمر، القرقاع المهرمش، قطع الليمون معسل، وحبيبات الشوكولاتة, نخلطو المزيج مزيان، و النصف الثاني نحتافظو بيه جانبا
قبل ماندوزو للكلاص، تخلطو الكميات المتبقية من اللوز مهرمش، الكركاع، قطع الليمون معسل، حبيبات الشوكولا مع بعضم.
- نصبّو نصف خليط الكلاص في مول، نديرو كطبقة كمية المكسرات لي خلينا، نخلطو الكراميل مزيان باش يتطلق و نضيفو نصف الكمية و النصف الآخر نخليوه للتزيين ، و الطبقة الرابعة نغطيو بخليط الكلاص لي بقى، وندخلوه للمجمد ليلة كاملة.
- فإناء، نديرو الكراميل المتبقي و نطربوه بالطراب الكهربائي حتى يولي لينا كناش و نعمرو بيه جيب الحلواني و نحتافضو بيه
- من بعد ما جمد، الكلاص و زولناه من المول، كانزينوه بالفويتين من الجناب و نزيدو كاناش الكراميل من الفوق و فالوسط نزينو بالكراميل، كايجي غنية بالنكهات، كايجمع ما بين القرمشة وحلاوة الكراميل و بالصحة و الراحة
شاركي برأيك