طريقة التحضير
0/0 الخطوات المستعملة- كنخدوا 4 ديال البيضات، و نخويوهم فإناء، نزيدوا عليهم كاس و ربع سنيدة، سكر فاني اديال، و نطربو بالطراب الكهربائي حتى يبياض الخليط و يولي متجانس. من بعد، كناخدو الطحين، و نزيدوا عليه خنيشة و نصف ديال كاكاو إديال، نخلطوهم، و نغربلوهم فالشبكة، و نخويوهم فالخليط ديالنا تدريجيا، و نخلطوهم. و دابا، كنخدوا لاطة مع papier de cuisson، و نلصقو الجناب ديالو باش ننبتوه، عاد نسرحو فوق منو الخليط بهاد الكيفية، و ندخلوه للفران يطيب لمدة 9 دقايق على حرارة 175 درجة. من بعد، كندردرو شوية ديال سنيدة فوق البلانشة، و نحطو فوق منها la génoise ديال الشكلاط و نحيدو منو papier cuisson. و دابا، كنخدوا قالب دائري من هاد الحجم، و نبداو نشكلوا les fonds de génoise ديالنا.
- باش نوجدوا le croquant ديال الشكلاط ، كنخدوا إناء، و نخويو فيه ل praliné، نضيفو الشكلاط الأسود مذوب، و نخلطوهم. نزيدوا les feuilletines، و نخلطو كلشي. اللوز غني بالألياف لي كتسهل عملية الهضم.
- كنخدوا كاصرونة، و نخويو فيها القشدة الطرية، نديرو شوية ديال الما مع الكليكوز، و نضيفوه. نشعلوا عليها، و نحركوا. فنفس الوقت، كناخدو كاصرونة أخرى، و نخويو فيها شوية ديال الما، ونص كاس ديال سنيدة، نحركوا شوية، و نحرصوا باش نحركوا الكاصرونة للي فيها le glaçage حتى هي، و منين تبدأ تغلى، كنزيدو الشكلاط ديال الحليب، و نخلطوه حتى يذوب. نحركوا عاود شوية السيرو. من بعد، نحركوا لglaçage، نطفيو عليه و نبقاو نحركوا. و دابا، كناخدوا الجيلاتين، و نغطسوها فالما. و منين يبدأ السيرو يغلى، نطفيو عليه حتى هو. كنرجعو ل glaçage، نحركوه شوية، و نخويو فيه الجيلاتين من بعد ما شربات الما، و نخلطو مزيان.
- كناخدوا إناء، و نخويو فيه الحليب بارد، و نزيدوا مستحضر قشدة الشكلاط اديال، و نطربوا بالطراب الكهربائي حتى تولي كريمة. و دابا، كنخدوا la genoise ، نسردوه بالسيرو للي وجدنا، و نحطوه وسط القالب. من بعد، كنزيدو le craquant ديال الشكلاط، و نمعسوه مزيان بالمعلقة كيف كتشوفو. من بعد، كناخدو جيب حلواني، و نعمروه بالكريمة ديال الشكلاط، و نعمرو بها les moules ديالنا. و دابا، كناخدوا قالب ديال السيليكون بحال هاد الشكل، و نعمروه حتى هو. من بعد، كنرجعو القالب الدائري، و نسطحوهم. و نعاودو نفس العملية مع القالب ديال السيليكون. و دابا، كناخدوا عاود جيب حلواني، و نعمروه بشوية ديال لglacage، و نحطو شوية فالوسط بهاد الكيفية، و فالاخير كنحطوا كولشي فالكونجيلاتور لمدة ساعة و نص. من بعد مجمدوا نص كوريات ديال la mousse au chocolat، كنحيدوهم من لmoule، و نصايبو بهم كوريات، و ندخلوهم الكونجلاتور عاود لمدة 15 دقيقة. و دابا كنحيدوا les fonds de génoise ديالنا من le moule كيف كتشوفو بهاد الكيفية، و نحطوهم حتى هوما فالكونجيلاتور لمدة 5 دقايق.
- قبل منبداو أو باش ننجحو glaçage ديالنا و منضيعو منو والو، كناخدو لاطة مع papier cuisson و نحطو فوق منو la grille، عاد نحطو les fonds de génoise ديالنا، و نخويو عليهم لglacage للي وجدنا، و نسرحوهم من الفوق كيف كتشوفو، و ندخلوهم الكونجلاتور لمدة 10 دقايق. باش نذوبو الشكلاط الأسود للي غادي نحتاجوه فل Glaçage ديال les boules، كنقترح عليكم واحد التقنية للي غادة تعجبكم بزاف. كناخدو كاصرونة، و نعمروها بالما، و نحطو فيها إناء زجاجي، نشعلوا عليها، و نحطو فيه الشكلاط، و نبداو نحركوا باش يذوب. من بعد، كنزيدو عليه شوية ديال الزيت، باش يخففو و يزيدو لمعان. من بعد، باش نصايبو les tuiles ديال الشكلاط، كناخدو إناء أخر، و نحطوه فالكاصرونة، و نخويو فيه السكر ديال الشكلاط،و نحركوا باش يذوب.
- كناخدو جيب حلواني، و نقطعوه بهاد الشكل، و نحطو فوق منو السكر ديال الشكلاط للي ذوبنا، نسرحوه مزيان، و نسدوا عليه.من بعد، كناخدو المدلاك، و نزيدوا نمعسوه كيف كتشوفو. و دابا، كناخدو القالب الدائري، و نوركو على البلاستيك باش نحصلو من بعد على دوائر ديال الشكلاط. و منين نساليو،نحطوهم فالثلاجة لمدة 10 دقايق باش يكرمو. و فالأخير، كنحلو السيلوفان و نحيدو دوائر الشكلاط ديالنا.
- و دابا، كنخدوا الكويرة ديال الكريمة للي جمدنا باستعمالنا ل cure dent، و نغطسوها فل Glaçage، غير تكرم، نحطوها من الفوق بهاد الطريقة، نضيفو زبيبة. و فالاخير، نزيدودوائرالشكلاط فالجناب.
و بالصحة و الراحة
شاركي برأيك