طريقة التحضير
0/0 الخطوات المستعملة- كنبداو بلكالمار لي كنغسلو مزيان و كنحيدو ليه الراس و الصبيعات و نخويوه بهاد الطريقة، من بعد، كنشرحوه على هاد الشكل، باش يشرب العطرية مزيان. الفرق بين الكلمار و السيبيا هو أن الشكل ديالو فطح و صبيعاتو قصار على ديال الكلمار
- كنشدوا papier aluminium وندهنوه بالزيت وكنستفو فوق منو الكلمار ديالنا وكنزيدو لبزار و لملحة و الزعتر طري بهاد الطريقة، نزيدوا فوق منهم الحبق و شوية ديال زيت الزيتون، و فالأخير، كنضيفو لبزار (على حسب الرغبة). نطويو papier aluminium كيف كتشوفوعلى شكلpapillote وكندخلوه للفران يطيب مدة 5 حتى ل 7 دقايق على حرارة 180 درجة.
- منين يطيب كنحلو عليه بهاد الطريقة، ما خصش نخليو الكلامار يطيب كتر من 10 دقائق، كنقطعوالشمبنيون و كنديرو معلقة كبيرة من الزبدة فمقلة سخونة، نذوبوها و نزيدوا عليها البصلة مقطعة و نشحروها ونزيدوالشمبنيون للي قطعنا، و نزيدوا زعيترة بهاد الطريقة باش تطلق الريحة ديالها. كنضيفو لبزارالملحة، ضامتي بقري (للي كتنسم لكم الطياب).نحركوا و ملي يطيب، كنضيفو القشدة الطرية نخلطو مزيان ومن بعد دقية نطفيو عليه.
- دابا ملي وجدنا كلشي، ندوزو للتقديم: كنبداو بla sauce champignon لي كنحطو فزلافة صغيرة. ويمكن لينا فالتقديم نزينو بهاد الشكل مع شوية دلعليق، les asperges مسلوقين، لبطاطا مسلوقة حتى هي. و فالأخير، كنديروا الفلفلة مقطعة على الطول، و نحطوا فوق منها الكالمارمستف بهاد الشكل.
و بالصحة و الراحة
- واش كتعرفي بأن نبات الهليون أو les asperges غني بالفيتامينات A و C، الألياف و المعادن.
شاركي برأيك