طريقة التحضير
0/0 الخطوات المستعملة- في إناء، نديرو الماء دافئ و ندوبو فيه 3 غ ديال الخميرة و نزيدو الدقيق و نخلطو العجينة مزيان و نغطيوها و نخليوها ترتاححتى يتضوبل الحجم ديالها
- ناخدو عجانة، و نديرو فيها العجينة لي خمرات و نزيدو عليها أصفر البيض، الحليب، فينو ، الملح، الزبدة 20 غ ديال الخميرة و السكر سنيدة وسكر ڤانيليا إديال و نعجنو الكل من 8حتال 10 دقائق و من بعد نخليوها تخمر، و نقسمو العجين على 12 قطعة و نكوروهم بهاد الطريقة و نغطيوهم و نخليوهم يرتاحو شوية، ندردرو شوية الدقيق على طاولة العمل، نرقو الكويرات شوية بصباعنا و نبسطوهم باستعمال المدلك و نحطوهم فوق ورق الطبخ، وناخدو قطاعة دائرية بقطر 2 سنتيمتر و نغطسوه في الدقيق و نديرو بيه تقيبات بهاد الطريقة فالوسط و نغطيوهم ونخليوهم يخمرو .
- نقليوهم فزيت سخونة
- باش نوجدو الكالصاج ناخدو إناء، نخلطو فيه السكر كلاصي مع بودرة الكاكاو اديال، نجانسوهم مزيان، و نضيفو 4 معالق ديال ماء الزهر تدريجيا حتى يوجد لينا الكالصاج. .
- ناخدو لبينيي صغار و نغطسوهم في السكر سنيدة. و البينيي الكبار نغطسوهم في الكالصاج ديال الشكالط و ندردرو عليهم الشكلاط ملون فيرميسال.
شاركي برأيك