طريقة التحضير
0/0 الخطوات المستعملة- في إناء، نديرو البيض، نزيدو عليه سكر فانيليا إديال و 120غ ديال سكر سنيدة و قبسة الملح نوجدو العجين و نطربوهم بالطراب الكهربائي حتى يبياض لينا الخليط، من بعد نزيدو الزيت، الياغورت، و الخل و نستمرو في التحراك و دابا نزيدو الدقيق و خمارات إديال و نغربلوهم فوق الخليط و نكملو التطراب حتى يتجانسو جميع العناصر.
- باش تقطعو ورق الطبخ على القياس ديال المول ، نطوير على ربعة و نعاودو نطويو و نحطو القنت ديال الورق في الوسط ديال المول و بهاد الطريقة ن ونقطعو الزائد، و ناخدو شوية ديال العجين و نديرو بيه نقيطات في المول باش يشد لينا ورق الطبخ. ناخدو المول العجيب، ندهنوه بالزبدة و نرشوه بالدقيق و نخويو فيه الخليط ديال الكيك و ندخلوه للفرن على درجة حرارة 180 لمدة 52 دقيقة.
- نخليوها تبرد، ونوجدو خليط الفلان ديال الفريز، نخويو نصف لتر حليب بارد في كاسرونة و نزيدو عليه 2 فلان إديال ديال الفريز بالسكر و ملعقة ديال كريم باتيسيير إديال و 60غ ديال السكر و نحركو الكل مزيان و نشعلو عليهم البوطة، و منحبسوش من التحراك حتى يبان لينا الفلان عقاد و نطفيو عليه و نستمرو في التحراك باش يدفى شوية الخليط و مايكونش طبقة من الفوق و نفرغو الفلان لي وجدنا في قلب الكيكة و ندخلوه للثالجة يبرد مزيان.
- من بعد ما بردات و خرجناها، نوجدو الفلان الثاني ديال البنان بنفس الطريقة، نخويو نصف لتر حليب بارد في كاسرونة ونزيدو عليه 2 فلان إديال ديال البنان بال سكر و ملعقة ديال كريم باتيسيير إديال و 60غ ديال السكر سنيدة و نحركو الكل ونحطوه فوق البوطة، و منحبسوش من التحراك حتى تبان لينا الفلان عقاد و نطفيو عليه، و نفرغو الفالن الثاني فوق الطبقة الأولى، و ندخلوها للثلاجة تبرد مزيان.< !—endstep-->
- ملي خرجنا الكيكة ديالنا من الثلاجة، نزينوها بطريفات الفريز و الكيوي لي قطعنا و ندهنوهم بالناباج باش يعطينا لمعان للفواكه.
شاركي برأيك