طرطة بالحامض و الفرمبواز

طريقة التحضير

1. كنخدوا إناء و نخويو فيه 200 غ ديال الزبدة،  200 غ السكر كلاصي،  و نخلطو كلشي بيدينا كيفما كتشوفو.و منين الخليط يبدا يتجمع، نهرسو عليهم 2 بيضات و نطربوا بالطراب الكهربائي على سرعة متوسطة. من بعد نزيدو200 غ الطحين تدريجيا ونبقاو نطربوا حتى يتجانس. و من بعد نكملو بيدينا حتى يتجمع العجين و يولي متماسك. و دابا، كنغطيوها بالسولوفان و نخليوها ترتاح فالثلاجة لمدة 15 دقيقة.
2. كناخدو إناء و نديرو فيه 100 غ زبدة، 100 غ سنيدة، و نطربوا بالطراب الكهربائي، من بعد نضيفو عليه بيضة. نبقاو  نطربوا، و نضيفو سكر فاني اديال، 100 غ بودرة اللوز،و فالاخير، كنزيدو 40 غ طحين، و نستمروا فالتخلاط بالطراب الكهربائي، من بعد نكملو ب spatule la  و منين نساليو نغطيو الخليط بالسولوفان و نخليوه يرتاحفالثلاجة لمدة 15 دقيقة. 
3.  باش نوجدو هاد الكريمة  كنبداو بعصير ديال حامض ، نخويوه فطنجرة، و نشعلوا عليها، و نزيدوا 250 غ سنيدة، و نحركوا مزيان. هاد الوصفة غنية بفيتامين C، الحامض و الفرمبواز من الفواكه لي معروفة باحتوائها على كميات مهمة من هاد الفيتامين. من بعد، نخدوا إناء، و نضيفو20 غ مستحضركريمة الحلويات فاني اديال، نحركو الطنجرة و من بعد، نهرسو4 ديال البيضاتفالإناء، و نخلطوهم مع المستحضر، نحركو فالطنجرة، و نعاودو نخلطو البيض و المستحضر، و نبقاو نحركوا عصيرالحامضحتى الغليان. من بعد كناخدو العصير للي غلينا، و نخويو منو شوية على الخليط ديال البيض، و نحركوا، نقصوا العافية، و نخويو الخلطة شوية بشوية فالطنجرة مع التحراك، و منين يغلى الخليط، نطفيو عليها و نخليوها ترتاح لمدة 10 دقايق. من بعد، كناخدو 250 غ زبدة، و نضيفوها على الخليط، و نبداو نحركوا حتى نحصلوا على كريمة متجانسة و دابا، كنخدوا إناء عامر بالما، و نغطسو فيه 4 وريقات جيلاتين وحدة بوحدة باش يدخلهم الما مزيان من 2 جوايه، و نضيفوهم على الخليط، و نحركوا مزيان باش تجمع لينا الكريمة، و دابا كنخدوا الكريمة، و نصفيوها مزيان فالشبكة باش نعزلوا منها الب او  لpulpe ديال الحامض و حبيبات ديال البيض للي تكورو منين طابو. من بعد كناخدو غراف أو مغرفة أو دواز، و نعمرو le moule ديال السيليكون بالكريمة، و نقومو بهاد العملية باش تاخد الشكل للي بغينا، و نخليوها ترتاح لمدة 2 حتى3 سوايع فالكونجيلاتور.
4. و دابا كنخدوا la pâte sucrée من بعد ما ارتاحت، و نمعسوها، و ندردرو شوية ديال الطحين، و نسرحوها مزيان بالمدلاك، و نقطعوها على شكل دوائر ب le moule، و نحطوهم فوق papier cuisson مع شوية ديال الطحين، و نخليوها ترتاح فالثلاجة لمدة 10 دقايق. من بعد، كندردوا شوية ديال الطحين فوق بلانشة و كنخدوا قالب دائري، و نحطو la pate فالوسط ديالو، و نشكلوها كيفما كتشوفو معانا بهاد الطريقة. من بعد كنحطوهم فلاطة ديال الفران. و نحطو 2 ديال les moules خاويين فالوسط باش ميطريش papier cuisson من بعد مندخلوها للفران. من بعد كناخدو fourchette، و نتقبوا بيها la pâte، باش متنفخش منين تكون كتطيب. و دابا كنخدوا جيب حلواني. و نعمروه بla pâte ديال اللوز. و نعمرو بها les moules ديالنا بشكل دائري من الجنب حتى لوسط. و فالاخير كندخلوهم للفران يطيبو لمدة 17 حتى ل 20 دقيقة على حرارة 180 درجة. منين يطيبو les fonds de tartes كنحيدوهم منle moule،و نقلبوهم، و نستعملو الحكاكة باش نحيدو الطريفات لي خارجين و نقادوهم باش نحصلوا على الشكل للي بغينا.
5. من بعد ما تجمدت الكريمة ديال الحامض، كنحيدوها من السيليكون و كنوضعوها فوق la grille. من بعد كناخدو nappage ونخويوه فإناء مع الما باش يتطلق شوية، و نطربوا مزيان. الان، كناخدو nappage، و نخويوه من فوق الكريمة ديال الحامض، و منين نساليو، ندقو la grille باش يهبط عليهاnappage مزيان ، و نستعملو la spatule باش نقادوهم. و دابا كنخدوا les tartes ديالنا ،و ندهنوهم بالكريمة ديال الحامض للي مجمدناش، و نحطو عليهم الكريمة للي جمدنا. و من بعد كناخدو الفرومبواز، و نقطعوهم على 2 و نحطوهم فوق la tarte بهاد الشكل. و فالتقديم  كناخدو الصفاية ديال القهوة، و ندردرو على الطبسيل شوية ديال السكر كلاصي، و نحطو فوق منو la tarte ديالنا، و فالاخير كنزينوها بوريقة ديال النعناع.

و بالصحة و الراحة.