طريقة التحضير
0/0 الخطوات المستعملة- في قسرية، نديرو الماركرين، السكر سنيدة ، نخدموهم بيدينا حتى يتجانسو، نزيدو البيض، نواصلو
الخدمة بيدينا، الزيت، الزنجلان، الكاوكاو ، نستمرو فالتخلاط، نضيفو الدقيق مغربل، نصف كيس خميرة الحلويات إديال و 2 أكياس فلان إديال و نجمعو العجين بيدينا حتى نحصلو على عجين متماسك.
- ناخدو لاطة ديال الفران لي لبسناها من قبل ورق الطبخ، و نكونو كويرات ديال العجين و كانصحوكم أ الحادكات نديرو المرشم في الدقيق عاد نطبعو به العجين (باش مايلصقش لينا العجين في الرشم ) و ندخلو الصابلي يطيب في فران سخون على درجة حرارة 170 لدة 20 دقيقة
- من بعد ماطاب صابلي الشهدة ديالنا، نذوبو الشكلاط أبيض، نغطسو فيه النصف ديال صابلي و نزينوه
بالورد و ندخلوه للثلاجة باش ينشف الشكلاط
شاركي برأيك