طريقة التحضير
0/0 الخطوات المستعملة- في اناء، نديرو صفار البيض و الماء، و نطربوهم حتى يطلعو، نزيدو الهريسة، التحميرة، الملح، الدقيق مغربل، 6 المعالق من دقيق الذرة الممتازة مايفين إديال، معلقة صغيرة من خميرة الحلويات إديال، نخلطو بالطراب اليدوي، نضيفو مركز الطماطم، نخلطو، زيت المائدة، نخلطو و نحتافضو به جانبا، نطربو باستعمال الطراب الكهربائي بياض البيض حتى نحصلو على بياض الثلج و نضيفو الثلث ديالو على الخليط الاول و نحركو مزيان و من بعد نضيفو الثلثين لي بقوا غير بشوية بشوية من لتحت للفوق باش نحافضو على الهواء لي جمعنا و نسرحو الخليط في لاطة ديال الفران لي سبق لينا لبسناها ورق الطبخ و ندخلوها للفران سخون على درجة حرارة 180 لمدة 6 الدقائق .
- في إناء، نديرو الجبن الكريمي، زيت الزيتون، جهد معلقة كبيرة ديال عطرية جاڤانا زعتر بري و نخلطو كولشي، و من بعد ما طابت الجنواز، و كانصحوكم أ الحادكات، نغطيوها بورق الطبخ، نزولو ورق الطبخ من الوجه الآخر، نقطعو الجوانب، نسرحو فيلم غذائي، نحطو فيه الجنواز المالحة و نعمروها بالحشوة ديال الجبن لي وجدنا و نروليوها بهاد الطريقة و ندخلوها للثلاجة تشد راسها
لمدة ساعتين على الاقل - من بعد ما برد الرولي، نقدموه في طبق التقديم مع الخس و الطماطم الكرزية و نطربو القشدة الطرية و نديروها في جيب الحلواني، و نبداو نزينو بها من الفوق مع شوية الزيتون و الحبق و نتوما عندكم
حرية اختيار لي بغيتو في التزيين، كايجي الرولي بالفروماج و الاعشاب لذييييذ و شهوة منو، غير زعمو وجربوه، ماعليكم غير تبعو المراحل المبسطة لي قدمنا ليكم و تمتعو مع حبابكم! و بالصحة و الراحة!
شاركي برأيك