الخليع متبل

طريقة التحضير

1. في إناء، نديرو اللحم، الخل، معلقة كبيرة الكامون ، نفرتو 2 ضامتي ديال الربيع و 2 ضامتي ديال الثومة نخلطو و نخليوه يترقد من ساعتان حتال 24 ساعة كلما ترقد كلما مزيان، و من بعد نستفوه فشبكة و نخليوه ينشف في الشمش لدة يومين و كانصحوكم الحادكات، لي معندوش امكانية ينشرو في الشمس، يدخلو للفرن على درجة حرارة 100 حتى ينشف من برا لكن يبقا طري من لداخل تقريبا 3 ساعات
   
2. في كاسرونة، نديرو الشحمة تذوب على عافية مهيلة و نصفيوها و نحتافضو بها بعدما نشف اللحم و دابت الشحمة، ندوزو لطياب اللحم، نديرو الشحمة، الزيت، الماء، اللحم، معلقة كبيرة الكامون 2 معالق كبار القزبر يابس و نسدو عليه الكوكوت و نحسبو ليه 20 حتال 30 دقيقة من بعد ما بدات كاتصفر الكوكوت و ملي يطيب و نحلو عليه نخليوه ينشف من الماء و حتى تبان لينا بقات غير اللحيمة و الزويتة .
3. هذا هو الشكل النهائي ديال الخليع كايجي رآآئع ونتمتعو به مع كويس ديال اتاي مع البيض أومليط،
   نديروه مع العدس، أو نعمرو به المسمن ، و بالصحة و الراحة !