المحنشة

طريقة التحضير

1. باش نبداو نستفو التفاح، البوعويد و الأناناس في لاطة و ندخلوهم للفران على درجة حرارة
   200 لمدة 10 دقائق باش ينشفو من الماء.
2. اناخدو مقلة و نديرو فيها، السكر البني، نصف كاس ديال الماء، نزيدو سكر فانيليا إديال، نحركو و نشعلو عليها، و حتى تبان لينا نسبة الماء بدأت كاتنقص و نزيدو الزبدة و الفواكه لي جففنا في الفرن و السكينجبير، القرفة، نخلطو كولشي ونصفيوهم من الماء و نحتافضو بيهم
3. 
   في كاسرونة، نديرو الحليب بارد، 3 المعالق كبار عامرين ديال الكريم باتيسيير إديال ديال الحامض و 2 ديال المعالق كبار ديال السكر سنيدة، نحركو مزيان عاد نشعلو عليها عافية متوسطة حتى تطيب و نزيدو عليها معلقة كبيرة ديال الزبدة باش تعطيها لمعان و نقلبوها في إناء و نغطيوها ببالستيك غذائي و ندخلوها تبرد كليا في الثالجةمن بعد نطربوها بالطراب الكهربائي، و نزيدو الفواكه لي عسلنا و إلى بانو لينا مازال كايطلقو الماء نعاودو نصفيوهم و نزيدو عليهم الكوك و نخلطو و نحتافضو بيهم.
4. ناخدو الورقة ديال البسطيلة ، نحطوها في طاولة العمل و نحطو عليها الجنب ديال ورقة أخرى بهاد الطريقة ، و نعاودو نفس العملية حتى نحصلو على ورقة على شكل طويل، و ندهنوها بالزبدة و نعمروها بالحشوة و نلويوها بهاد الطريقة ونوجدو محنشة ثانية بنفس العملية، و نحطو وحدة في قلب وحدة و ندهنوهم من الفوق بالزبدة و نحطوها في المول وندخلوها للفران على درجة حرارة 150 لمدة دقيقة 40 دقيقة
5. في جبانية غارقة، نديرو العسل و نزيدو عليه الخليط لي بقا لينا من الفواكه لي صفينا باش ينسم لينا العسل و نخلطوهم مزيان و نسقيو به المحنشة ملي تخرج من الفران