طريقة التحضير
0/0 الخطوات المستعملة- فإناء، نعزلو بياض البيض عن الصفار و نزيدو نصف كمية السكر على الصفار و كيس ڤانيليا إديال و نطربو و ناخدو الإناء لي وضعنا فيه بياض البيض و نديرو معاه قبسة الملح و نبداو نطربو بشوية و نزيدو عليه نصف كمية السكر لي بقات تدريجيا حتى يبداو يبانو لينا فقاعات و نزيدو السرعة ديال الطراب و نستمرو في التطراب حتى نحصلو على بياض الثلج و نضيفوه تدريجيا على خليط صفار البيض و نحركو غير بشوية، و من بعد نغربلو الدقيق مع خمارة إديال و بودرة كاكاو إديال و نخلطو مزيان حتى يتجانسو جميع العناصر.
- ناخدو مول كايتحل من الجناب، و ندهنو الجناب ديالو بالزيت و نرشوهم بالدقيق و نحطو ورق الطبخ الوسط و نخويو فيه الخليط ديالنا و ندخلوه للفران سخون على درجة حرارة 180 لمدة 10 دقائق
- ناخدو كاس ديال الحليب دافئ و نزيدو عليه القهوة سريعة الذوبان و نحركوه. و نجبدو الجينواز ديالنا من المول من بعد ما طابت و خليناها بردات و نحيدو منها ورق الطبخ و نردوها للمول و كانصحوكم ا الحادكات، باش تجينا الجينواز هشيشة، نتقبوها بعود و نسقيوها بالحليب و القهوة و ندخلوها للثالجة تبرد.
- في إناء غارق، نخويو رابعة ديال الحليب بارد، نزيدو عليها مستحضر موس إديال ديال الڤاني و نطربو بشوية و غير تبدا ترغوي نزيدو القهوة تدريجيا و نزيدو في السرعة و ملي تبان لينا الموس تقالت نزيدو الحليب المركز المحلى كاراميليزي و نستمرو في التحراك. < !—endstep-->
- من بعد ما بردات الجينواز لي سقينا، نعمروها بالكريمة لي وجدنا حتال الفوق و نقادوها بموس و نضيفو الجوانب وندخلوها للمجمد تبرد على الأقل ساعة أو للثالجة على الأقل 3 السوايع
شاركي برأيك