ألفاخوريس

طريقة التحضير

1. نعبرر 160 غ ديال دقيق الذرة الممتازة مايفين إديال أي ما يعادل 9 حتال 10 المعلقات كبار.
   
2. نوجدو الخليط الأول، نغربلو الدقيق، دقيق الذرة الممتازة مايفين إديال، السكر كلاصي، معلقة صغيرة خميرة الحلويات إديال و نحتافضو به و نبداو نوجدو الخليط الثاني، نديرو في إناء، الزبدة، ساشي سكر ڤانيليا إديال، أصفر البيض، الحليب، قشرة الحامض، و نطربو بالطراب الكهربائي و نزيدو الخليط الأول على الخليط الثاني و نجمعو العجينة باليد حتى نحصلو على عجينة متماسكة و ماكاتلصقش و كانصحوكم إلى بانت ليكم العجينة باقا كاتلصق زيدو شوية ديال الدقيق!
   و من بعد نقسمو العجين على 2 باش تسهال علينا في الخدمة و نحتافضو عليهم في فيلم غدائي و ندخلوهم للثلاجة لمدة ساعة كاملة.
3. نرشو الدقيق على سطح العمل و نسرحو العجين ديالنا و نغطسو مرشم دائري في الدقيق باش مايلصقش في العجينة و نقطعوه دوائر و نستفوهم في لاطة لي لبسناها ورق الطبخ
   من قبل و نطيبوهم على درجة حرارة 200 لمدة 10 الدقائق
   
4. بعدما البيسكوي ديالنا خرج من الفران و برد، نلصقو وحدة مع وحدة بالكراميل و نروليوه في الكوك… و ندردو عليه السكر كلاصي من الفوق كايجي هشيش من لداخل و مداقو راااائع! نقدموه مع كويس ديال أتاي و بالصحة و الراحة!