طريقة التحضير
0/0 الخطوات المستعملة- ندوبو الخميرة مع السكر و شوية الماء باش الخميرة تكون اكتر فعالية و كانصحوكم الحادكات دائما ديرو فبالكم بأن 5غ ديال الخميرة الفورية كاتعادل 15غ ديال الخميرة المعجونة .
نزيدو بيضة على الدقيق، الملح، زيت الزيتون، و نضيفو دابا لي كاتشوفو كيفاش تفاعلات الخميرة، نبداو نجمعو بالأصابع و نضيفو الحليب و نجمعوها بالماء دافئء حتى نحصلو على عجينة متماسكة و نغطيوها و نخليوها تخمر .
- بينما خمرات العجينة، في مقلة على عافية مهيلة، نديرو زيت الزيتون،الكبدة، الإبزار، نفرتو بنة الطياب ضامتي ديال الثومة، الكامون، الحامض مصير، معلقة ديال عطرية جافانا بابريكا و الهريسة على حسب الذوق و في الأخير نضيفو ليزيبينار و نخليوهم يطيبو و نختافضو بالحشوة حتى تبرد تماما.
- نقسمو العجين ديالنا على أجزاء صغيرة و نرشو الدقيق على سطح العمل و نسرحو العجين و نبداو نعمرو بالحشوة و نستفو الخبيزات ديالنا مفارقين في لاطة و نخليوهم يخمرو
- من بعد ما خمرو ، ندهنوهم بالبيض و نزينوهم بالحبوب لي متوفرة عندكم ، حنا اختارينا البافو و الزنجلان و ندخلوهم يطيبو على درجة حرارة 180 لمدة 20 دقيقة
ها هو الشكل النهائي ديال خبيزات الكبدة من بعد ما طابو كايجي المذاق ديالهم لذيييد! نرافقوهم مع كاس ديال أتاي نهار العيد.
شاركي برأيك