طريقة التحضير

0/0 الخطوات المستعملة
  1.  كنخدوا إناء، و نديرو فيه دجاج brochette، الإبزار على حسب الرغبة، curry، نمعسو 2 ضروس ثومة، نعصروعليهم نصف حامضة، و نضيفو نص خنيشة ديال الملون الطبيعي السنسلة، وربع ضامتي دجاج، شوية ديال زيت الزيتون، و نخلطو كلشي. من بعد، نغطيوه بالسيلوفان، و نخليو les brochettes ديالنا يرتاحو لمدة ساعة على الأقل فالثلاجة.
  2.  إلى بغينا الروز يطيب لينا دغيا، كنخدوا إناء عامر بالما، و نخويو فيه الروز،  نزيدوا عليه شوية ديال الملحة، و نخليوه يرتاح 30 دقيقة. و من بعد ما صفيناه من الما، كناخدو كاصرونة مع شوية ديال الزيت، و نسخنوها. نزيدو البصلة كارمة، نحركوا شوية، و نخويو فيها الروز.  نحركوا، و نزيدوا نص خنيشة ديال الملون الطبيعي، نحركوا، و نزيدوا شوية ديال الما سخون، و نغطيو الكاصرونة. و فنفس الوقت، كناخدو مقلة، و نسخنوها مع شوية ديال الزيت،و نبداو نصايبو les brochettes ديالنا بطريفات الدجاج و الفلفلة ألوان و نشحروهم. و دابا كنخدوا لصوص ديال la marinade ديال الدجاج، و نزيدوهاعلى الروز، و نحركوا. و نحرصوا باش يتشحرو لينا من كل الجوايه. و منين يطيبو بجوج، نحيدوهم من العافية.
  3. كنخدوا إناء، و نديروا فيه شرائح الدجاج، الخل، 2 معالق صغار تحميرة ، و نص معلقة الفلفلة حارة على حسب الذوق، مطيشة ديال الحك، ناخدو ثومة و نمعسوها، نزيدوا الزيت، شوية ديال الملون الطبيعي السنسلة، و ربع ضامتي دجاج، و نخلطو. من بعد، نغطيوهم بالسيلوفان و نخليوهم يرتاحو فالثلاجة لمدة ساعة على الأقل.
  4.  كنسخنو مقلة مع شوية ديال الزيت، و نزيدوا الفلفلة ألوان،الشومبينيون الطري. نشحروهم شوية، و نحطوهم فإناء. من بعد،كنخويو عاود شوية ديال الزيت، و نشحرو الدجاج marinée حتى هو.
  5. باش نوجدو le pain fajitas، كنخشيوه فزلافة كيف كتشوفو، و نحطوه  يكرم شوية فالفران لمدة 10  الدقايق على 150 درجة. من بعد ما خرجناهم من الفران، و خلليناهم يرتاحو 10 دقايق،يمكن لينا نبداو نعمروهم. نبداو بالfajita الميكسيكية، نديرو الخص، اللوبية الكحلة،اللوبية الحمرة، واش عرفتي بلي اللوبية الحمرا من الأغذية الأكثر تكاملا، بحيت كتحتوي بكميات مهمة على الألياف و البروتينات و العديد من الأملاح المعدنية. الذرة، الشومبينيون الطري، الفلفلة ألوان، و نعاودو نزيدوا اللوبية الكحلة، الذرة، اللوبية الحمرة، الكرومب، شرائح الدجاج. و فالاخير، يمكن لينا نزيدوا la sauce pesto.
  6. بالنسبة ل fajita الهندية، كنبداو بالخص، الروز، الفلفلة ألوان، البصلة، خيزو، tomates cerises، و فالاخير قطيبات ديال الدجاج، و la sauce pesto.

و بالصحة و الراحة.