طريقة التحضير
0/0 الخطوات المستعملة- كناخدو إناء، و نديرو فيه السكر البني، و الزبدة الرطبة، و نطربوا بالطراب الكهربائي. من بعد، كنهرسو بيضة، و نكملو التطراب. و دابا، كناخدو الصفاية، و نزيدوا القرفة من بعد مصفيناها هي و القرنفل، سكنجبير، الباديان، و شوية ديال الملحة على حسب الرغبة. واش عرفتي بلي القرفة ممتازة لتحفيز الجهاز الهضمي. من بعد، كنخويو شوية ديال الخميرة اديال على الطحين، و نغربلوها. و نزيدوهم على الخليط ديالنا تدريجيا مع التطراب. و فالأخير،كنكوروا الخليط ديالنا بيدينا و نغطيوه بالسيلوفان، و نخليوه يرتاح لمدة 3 سوايع فالثلاجة.
- من بعد، كناخدو الخلطة، و كندلكوها بالمدلاك مع شوية ديال الطحين، و ناخدو lmoule ديالنا، و نصايبو بيه البسكوي على هاد الشكل للي أكيد غادي يعجبكم و يعجب وليداتكم، و نحطوهم فلاطة فوق papier cuisson، و ندخلوهم الفران يطيبو لمدة 10 دقايق على حرارة 175 درجة و إلى تحرق لينا شوية البسكوي، نحكوه بشوية فالحكاكة. أو ها الحراق مشا كيف كتلاحضوا.
- و دابا، كنخدوا إناء، و نخويو فيه مستحضر glace بالفانيidéal، نخويو عليه الحليب، و نطربوا بالطراب الكهربائي. و منين تعقاد و تولي كريمة، كنزيدو القهوة، و الكراميل، و نهرسو عليها شوية ديال speculos، و نخلطو كلشي.
- و دابا، كنخدوا speculos، و نستفوهم كيف كتلاحضوا فle moule ديال الكيك، و نعمروه بالخلطة ديال الكلاص، و نضربوه مع الطبلة كيف كتشوفو، باش الكريمة تشد بلاصتها، و ميبقاش الفراغ فالقالبconseil، و ندخلوها للكونجيلاتور تبرد لمدة 3ديال السوايع.
- و دابا كنخدوا le moule و نقلبوه باش نخرجوا lglace ديالنا. و فالتقديم، كنقترح عليكم نزينوه بالكراميل، و ب la mousse chocolat و بيسكوي speculos. و بالصحة والعافية!
شاركي برأيك