طريقة التحضير
0/0 الخطوات المستعملة- كنخدوا إناء، و نخويو فيه 2 بيضات، و نزيدوا شوية ديال الملحة على حسب الرغبة، سنيدة، سكر فاني اديال، و نبداو نطربو بالطراب الكهربائي حتى يبياض الخليط و يطلع شوية، من بعد نزيدو الزيت، نص كاس ديال الحليب بارد، و نعاود نطربوا. و دابا، كنخدوا الطحين و نغربلوه فالشبكة مع خميرة اديال، و كاكاو اديال، من بعد كنزيدوه، تدريجيا مع الخليط ديالنا، و منحبسوش التطراب حتى يتجانس الخليط، من بعد، كنستعملوا la spatule، باش نتأكدو من النتيجة للي بغينا نحصلو عليها و دابا، كناخدو قوالب ديال cupcake و نبداو ندهنوه من الداخل بشوية ديال الزيت باش متلصقش لينا الكيكة فالطياب،من بعد، كنبداو نعمروه بالخليط ديالنا. و نحاولو باش منفتوش 2/3 ديال القالب، باش إلى طلعات الكيكة فالفران متفيضش على le moule. من بعد كندخلوهم للفران يطيبو لمدة 10 دقايق على حرارة 180 درجة.
- كنخدوا كاصرونة، و نخويو فيها 2 كيسان ديال الحليب بارد، و نزيدوا معلقة كبيرة و نص ديال مستحضر كريمة الحلوياتإديال، نحركوا مزيان. من بعد، نشعلوا عليها، و نبقاو نحركوا، و منين تعقاد، نطفيو عليها و نزيدو الشكلاط ديالنا، و نبقاو نحركوا حتى يذوب.
- و فالتقديم، كنزينو بشوية ديال الشكلاط غبرة للي كندردروه فوق الطبسيل. من بعد، كناخدو جيب حلواني، و نعمروه بالكريمة ديال الشكلاط من بعد ما بردات، و نحيدو الكيكة من القالب من بعد ما خليناها ترتاح، و نعمروها بهاد الشكل و نكملو نفس العملية مع الكيكات للي بقاو. وفالأخير، كنكملو ل cupcake ديالنا بحبة فرامبواز في الوسط،كيف كتشوفو.
- واش عرفتي بلي الفرمبواز فاكهة غنية بالألياف و الفيتامين c إلى بغيتي تستعملي جيب حلواني، و تلف ليك الراس ديالو،كنعمروه بالكريمة، و نقطعو الفم ديالو على العرض باش نحلوه كيف كتشوفو، و من بعد، نديرو 2 قطعات على الطول بهاد الكيفية، و نخرجو الكريمة ديالنا كيف بغينا.
و بالصحة و الراحة
شاركي برأيك