طريقة التحضير
0/0 الخطوات المستعملة- نطيبو
فمقلة، نحطو شوية ديال زيت الزيتون، نزيدو البصلة، نخليوها تطيب مزيان حتى تذبال، من بعد نزيدو صدر الدجاج مقطّع ونشحروه مزيان.
نضيفو الإبزار، الثومة بودرة، وعطرية جافانا، ونفرتو نصف ضامة ديال الدجاج، ونستمرو فالتشحار حتى يطيب الدجاج، ومن بعد نخليوه يرتاح شوية. - نطحنو
فطحّان كهربائي، نحطو الدجاج لي شحرنا، نزيدو البطاطا مسلوقة، صفار بيضة، الموطارد، جوج معالق كبار ديال الشابلور، والمعدنوس، ونطحنو كلشي مزيان حتى تولي عجينة متجانسة.
فالمول ديال magnum، نعمروه بهاد الخليط. - نصيحة الشيف
باش ما يلصقش ليكم الخليط، غطّسو المعلقة فالماء قبل ما تخدمو بيها.
من بعد دخلو المول للمجمد يخشد راسو لمدة 10 دقايق تقريباً. - نقليو
من بعد ما يبرد، ندوزوه فالدقيق، من بعد فالبيض، وفي الأخير فالشابلور، ونقليوه فزيت سخونة حتى يتحمّر مزيان.
- نزينو ونقدمو
ندخلو فعين كل قطعة عويدة ديال الخشب باش تعطي شكل magnum، ونقدموهم مع الصوص لي كتعجبكم
شفتو الشهيوة شحال ساهلة؟ جربوها وغادي تحماقو عليها! بالصحة والراحة
شاركي برأيك