طريقة التحضير
0/0 الخطوات المستعملة- ناخدو كاسرونة، نخويو مستحضر صلصة البيشاميل ضامتي و نزيدو لتر إلا ربع ديال الحليب تدريجيا و نزيدو الملح على حسب الرغبة، نخلطو مزيان بالطراب اليدوي و نشعلو عليه العافية و نستمرو في التحراك حتى تعقاد صلصة البيشاميل
- نقطعو جومبو ديلباشا مربعات صغار، نخويو صلصة البيشاميل في إناء، و نزيدو عليها جمبو ديلباشا، السودانية و الفروماج محكوك و نخلطو حتى تجانس جميع العناصر و نخويو الخليط في جيب الحلواني، نجمعوه و نحتافضو به.
- و دابا نبداو نوجدو العجين، في كاسرونة، نديرو 125مل ديال الحليب، الماء، الزبدة، السكر و قبسة الملح و نخلطو كولشي، نطفيو العافية و نزيدو الدقيق و نخلطو مزيان حتى تبدا تجمع العجينة و نعاودو نشعلو عليها باش تنشف شويا و نستمرو في التحراك حتى نحصلو على هاد الشكل و باش كانعرفوها يبسات كاتبدا تلصق لينا في الكاسرونا ،
و دابا نحطوها في إناء، نفقسو البيض، و نزيدو لولا و نخلطو حتى تنشف عاد نزيدو وحدة أخرى حتى نكملو البيض لي عندنا، و نديرو العجين في جيب الحلواني لي درنا فيه الراس، و نبداو نحطوه في لاطة لي درنا فيها ورق الطبخ و نديرو شوية الماء في صبعنا و نضغطو بهاد الطريقة على العجينة و ندردرو شوية السودانية من الفوق و كانصحوكم ديرو شوية الزبدة بين اللاطة و الورقة باش ماتحركش لينا الورقة و حنا خدامين و ندخلوه للفران على درجة حرارة170 لمدة 20 دقيقة - و كانصحوكم من بعد مايطيبو و طفيو عليهم تخليوهم يبردو وسط الفران باش يجيو ناجحين، و دابا نبداو نحلوهم من الوسط و نعمروهم بالحشوة لي وجدنا و نديرو شوية ديال الحشوة من الفوق و نزيدو الفروماج
شاركي برأيك