طريقة التحضير
0/0 الخطوات المستعملة- نفرقو الأبيض على الصفر ديال البيض، نحتافضو بالأبيض جانبا، في إناء نديرو الزبدة، السكر، سكر ڤانيليا إديال و نخدموهم مزيان بالطراب الكهربائي نزيدو أصفر بيضة نستمرو في التطراب، نزيدو الحليب نكملو التطراب و دابا نغربلو الدقيق، قبسة الملح و كاكاو إديال و نخلطو كولشي و نجمعو العجينة بيدينا حتى نحصلو على كورة شادة في راسها نغطيوها بسولوفان و كانصحوكم تدخلوها للثلاجة ترتاح لمدة 30 دقيقة.
- من بعد ما ارتاحت العجينة، نشكلو كويرات، نغطسوهم في أبيض البيض و نمرمدوهم في اللوز مهرمش و نستفوهم في لاطة فيها ورق الطبخ و نضغطو عليهم بصبعنا بهاد الشكل و ندخلوهم للفران سخون على درجة حرارة 180 لمدة 12 دقيقة
- من بعد ما طابت الحلوى, نديرو الكراميل في جيب الحلواني، و ندوبو الشكلاط و نديروه حتى هو في جيب الحلواني، و نبداو نعمرو الحلوى بالكراميل بهاد الطريقة و نزينو بخطيطات ديال الشكلاط أسود و ندخلوهم للثلاجة لمدة 5 دقائق.
- و ها هو الشكل النهائي ديال الحلوى ديالنا من بعد ما نشف الشكلاط، ريحة الكاكاو مع الكراميل كاتشهي!!كاتجي
شاركي برأيك