طريقة التحضير
0/0 الخطوات المستعملة- نقسمو على جوج الشرائح ديال الدجاج، نسرحوا السيلوفان على البلانشة، نغطيو به الشرائح ديالنا و نرققوهوم باستعمال المدلك و دابا، نحطو شرائح الدجاج فوق السيلوفان، نزيدوا عليهم لبزار، نص ضامتي دجاج و ندهنهوم بالياغورت بلا سكر. نزيدوا عليهم الفلفلة ألوان و خيزو. نلويو ملفوف ديال الدجاج و نستعملو خيط باش نسدوه مزيان وميدخلش ليه الما منين يكونو كيتسلقوا و نصاربوا الملفوف الثاني بنفس الكيفية.
- و دابا، كنديرو الما فطنجرة، و منين يبدى يغلى، نحطو فيها الملفوف او les ballottines ديالنا يتسلقوا. نغطيوها، و من بعد 16 دقيقة نخرجوا الملفوف للي غادي نقليو. و4 دقايق من بعد، نخرجوا الثاني و دابا، ناخدوا الملفوف للي غانقليو، و نحيدوا منوالبلاستيك الغدائي، ونقطعوه. نديرو الزيت فالمقلة، و ندورو la ballottine فالطحين، البيض و الشابلير. باش يجينا الدجاج مقرمش، ندوزوه 2 مرات فالطحين و البيض و الشابلير.
- بالنسبة الموسلين، نديرو لما يغلى فطنجرة مع شوية ديال سكينجبير ومنين يغلى لما، نسلقو فيه الشيفلور. غ 200 من القرنبيط كافية لتغطية الحاجيات اليومية من فيتامين C. ملي يطيب كنصفيوه و نخليو لما ديال الطياب على جنب.
كنطحنو الشيفلور مع شوية ديال القشدة الطرية، الزبدة و شويةدلما لي طاب فيه. نزيدو ملحة و لبزارعلى حساب الرغبة ، شوية ديال القشدة الطرية عاود، نطحنو شوية و من بعد، نصفيو الخلطة فالشبكة. - ناخدو إناء مع شوية ديال لما لي طاب فيه الشيفلور، نزيدواشوية ديال سنيدة و الخل الأبيض، نحركوا، و نقطعو شوية ديال الشيفلور طريفات صغار و نضيفوهم فالإناء. ناخدو الخيار، و نقطعوه شرائح بهاد الشكل و نزيدوه حتى هو و نخليوهم يترقدوا 25 دقيقة.
- فالتقديم، كنبداو بالموسلين للي كنحطوا فالطبسيل بهاد الطريقة، من بعد، نقطعوا الملفوف la ballotine للي قلينا بهاد الشكل و نقطعو الثانية للي سلقنا و نحطوهم. نلويو الخيار للي رقدنا بهاد الطريقة و نحطوه حتى هو. نزيدوا طريفات الشيفلور المرقد، وفالأخير، يمكن لينا نزينوا بالربيع ديال خيزو، و شوية ديال التحميرة و الشابلير.
و بالصحة و الراحة!
شاركي برأيك