الدرعي بصلصة الأيولي

طريقة التحضير

1.   كنخدوا الحوت، و نحلوه على الجنب من فوق السنسول، و نقطعو الفيلي بهاد الطريقة، و نعاودو نفس الشيئ مع الفيلي الثاني. السمك مصدر مهم للدهون الغير المشبعة الضرورية للحفاظ على صحة جيدة.
2.  كنخدوا مقص، و نقطعو جلدة الحوتة على 2 بهاد الطريقة، و نحطوها ف papier aluminium على لاطة، و ندهنوهم بشوية ديال الزيت، و نغطيوهم ب papier cuisson و نحطو فوق منهم لاطة أخرى و ندخلوهم الفران لمدة 15 دقيقة على حرارة 175 ومنين نخرجوهم من الفران، خاصهم يكونو قاصحين كيفما كتشوفو. 
3.  باش نصايبو المرق ديال الحوت، كنخدوا طنجرة، و نديروا فيها شوية ديال الزيت. نبداو بالبقايا ديال الحوتة، نزيدوا البصلة مقطعة على 4، نقطعو البورو و نزيدوه، نقطعو خيزو و نزيدوه حتى هو، نمعسو الثومة و نزيدوها ، نضيفوا اليزير، زعيترة، المعدنوس، و ورقة سيدنا موسى، نحركوا شوية، نزيدوا البزار، ضامتي حوت، ايترو و نص دلما، نحركوا عاود، نغطيو طنجرة و نخليو المرق يطيب 30 حتى ل 40 دقيقة. و قبل ميكمل  طيابو ب 3 دقايق، نزيدو 2 خيزوات صغار و منين يطيب المرق، كنحيدوهم  و نصفيوه  فالشبكة.
4. كناخدو إناء و نديرو فيه صفر بيضة  شوية دلملحة، و البزار على حسب الرغبة، بنة الطياب الثومة، معلقة و نص ديال لموطارد، الخل الأبيض، و نطربوا بالطراب الكهربائي، نزيدوا الزيت ونبقاو نطربوا حتى تعقاد، ناخدو المرق و نخويو ف la sauce aïoli و نخلطو حتى يتجانسوو ميبقاوش فيه الحبيبات.
5. كنخدوا مقلة نقطعو l’échalote على 2 نحطوهم على الداخل بهاد الطريقة و نبقاو موركين عليهم و منين يكحالو نحيدوهم، من بعد كناخدو les filets و نزيدوا عليهم شوية دلملحة و البزار على حسب الرغبة، كنخدوا مقلة ونخويو فيها الزيت و نديرو فيها اليزير و نشحروه من بعد نلويو الفيلي و نحطوه فالمقلة. باش ميتحلش الحوت لي لوينا، نشدوه ب une pince و هو تيطيب فوق المقلة  و نحرصوا باش يتشحر من 2 جوايه كيف كتشوفو، نزيدو الزبدة و نسقيو الفيلي بهاد الكيفية باش يشرب لصوص من بعد نحطوه فلاطة فوق papier cuisson و ندخلوه للفران 4 دقائق على 170 درجة.
6.  كنخدوا الفيلي و نحطوه فوسط الطبسيل , نزيدوا المرق ديالنا، والربيع ديال خيزو، من بعد، ناخدو البصلة، و نحيدو ليها القشرة، و نحطوها بهاد الشكل، نزيدوا chips، نغطيو الطبسيل بأناء، و ناخدو اليزير، و نحرقوه شوية، ونديروه من تحت الإناء للي غطينا به الطبسيل باش نحبسوا الدخان ديالو، و ينسم لينا الطبق و فالاخير كنزيدو chips الثاني و نقدموه. 

و بالصحة و الراحة!