طريقة التحضير
0/0 الخطوات المستعملة- كنديرو الكركاع فمنديل و نهرسوه شوية. و نديروه فإناء و نزيدوا عليه الزبيب و خيزو و نخلطو ونخليوهم يتجانسو. غ 100 فقط من الجزر تكفي لتغطية 200% من حاجياتنا اليومية من ال Bêtacarotène الذي يتحول في الجسم إلى فيتامين A
فإناء أخر كنهرسوا البيض ونزيدوا السكرالبني ونطربو بالطراب الكهربائي وكنزيدوا الزيت و نبقاو نطربوا، فإناء أخر كنخلطوا خميرة اديال مع الطحين والقرفة و الملحة (على حسب الرغبة). كنغربلوه و نضيفوه على الخليط. و نمزجوه مزيان. من بعد، نضيفو على هادشي الخليط دخيزو و نخلطوا كولشي. - ندهنو le moule بالزبدة و الطحين بهاد الطريقة، و نخلطوا الخلطة مزيان عاد نديروها فle moule و ندخلوه الفران يطيب 35 دقيقة على 180 درجة.
- ندوزو ل glacage، كنطربو الزبدة ومن بعد، نزيدو السكر كلاصي بشوية بشوية، تم كنضيفو الجبن الطري. و نحركوا حتى يعقاد و كنغطيوه بالسيلوفان و نخليوه فالثلاجة لمدة 25 دقيقةعلى الأقل.
- نخرجوا الكيك من الفران و باش نقطعوه على العرض بسهولة، نستعملوا cure dent كيفما كتشوفوا و ندوزو الموس بهاد الطريقة. و دابا، نديروا شوية دلكريمة فالوسط، نغطيوها بالطرف للي قطعنا، و نقطعو الكيك من الفوق باش يجي مسطح. نوضعو لكريمة من الفوق، نقطعوها على النص، ونحطو النص فوق الآخر، و نديرو لكريمة على الجناب، نقادوا جناب الكيك و ندهنو عاود الجناب، نقطعو طرف، ونزينوه بالقرفة، باستعمال هاد العويدات، نزيدوا كركاعة من الفوق، ونقترح عليكم فالأخير باش تزيدوا خيزو محكوك فالجناب.
- و فالتقديم، يمكن لينا نزيدو معاها كريمة دخيزو.
و بالصحة و الراحة!
شاركي برأيك