عنق الغنمي معمر بالكفتة

طريقة التحضير

1. كنخدوا إناء، و نحطو فيه الكفتة، المعدنوس، السالمية، واش عرفتي بلي السالمية غنية بمضادات الأكسدة المهمة لصحة خلايا الجسم. البزار على حسب الرغبة، و نحكو عليهم نص ضامتي غنمي، و نخلطوهم مزيان. و دابا، كنخدوا بلانشة، و نسرحو فوق منها السيلوفان، و نحطو فوق منها الكفتة، و نسطحوها مزيان بهاد الشكل، و من بعد،كنحطو فوق منها، البيض المسلوق، و ندورو عليهم الكفتة، و نلويوها بهاد الكيفية، و نبقاو ندوروها بهاد الطريقة باش نجمعوالملفوف ديالنا. و منين نحصلو على النتيجة للي بغينا، كنحطوها فالثلاجة ترتاح لمدة 15 دقيقة تقريبا.
2.  و دابا كنخدوا العنق، و نسرحوه، و نزيدوا عليه الملحة، و البزار على حسب الرغبة، من بعد كنقلبوه و نحطوه فوق السيلوفان،  نسرحوه، و ندهنوه بشوية ديال الزيت، و نحطو عليهم الثومة مقطعة، نضيفوا السالمية، و نفرتتو شوية ديال اليزير، و نكملوعاوتاني بالملح و البزار على حسب الرغبة، و الآن، كنخدوا la ballottine، و نحيدو منها السيلوفان، و نحطوها من فوق العنق و نلويوهم بجوج مع السيلوفان كيف كتشوفو بهاد الكيفية و فالأخير، كنحطوه فلاطة فوق papier aluminium،  و نسدوه على شكل papillote، و نحطوه فلفران يطيب لمدة ساعة على الأقل على حرارة 220 درجة. من بعد مطاب العنق، كنحيدو papier aluminium. نحيدو ليه السيلوفان، و إلى بغينا نحمروه مزيان، كناخدو شوية ديال التحميرة، و نخلطوها مع شوية ديال الزبدة مذوبة، و ندهنوه مزيان، و نعاودو ندخلوه للفران و منفوتوش 3 دقايق على حرارة 220 درجة. إلى بغينا نحافضو على شي عطرية، و ملقيناش شي علبةخاصة، كنديروها فخنيشة بحال هاد النوع مثلا، و ناخدو فم ديال قرعة ديال البلاستيك، و نخشيو فيه الخنيشة بهاد الكيفية كيف كتشوفو، و نسدوها مزيان بالغلاقة.
3.  كنخدوا كاصرونة و نخويو فيها 200 مل ديال الما بارد و نزيدوا مستحضر صلصة البزار ديال ضامتي نحركو شوية و نشعلوا عليها و نحركوا مرة مرة و منين تتقال نطفيو عليها. 
4. و دابا، كناخدو عنق الغنمي معمر، و نقطعوه شرائح، و نقدموه مع خضيرة مشحرة و صلصة البزار للي وجدنا.

و بالصحة و الراحة.