طريقة التحضير
0/0 الخطوات المستعملة- كنخدوا إناء كبير و نديرو فيه الطحين، والملحة (على حسب الرغبة) كنخدوا إناء صغير و نديرو فيه الخميرة الطرية مع لما دافي، نزيدو سنيدة، نخلطوهم و نخويوهم فالإناء الكبير، نزيدو الزيت، نضيفوا شوية دلما ونخلطوا و دابا، غادي ناخدو بلانشة و ندردو عليها الطحين، و نعجنو الخليط مزيان حتى تكون عندنا عجينة ديال البيتزا، نغطويها بالبلاستيك الغدائي و نخليوها ترتاح 40 دقيقة على ما نوجدو الحشوة.
- كنخدوا كاصرونة و نديرو فيها زيت الزيتون، البصلة، الفلفلة الحمرة، نحركوا، نزيدو شوية ديال الملحة ولبزار(على حسب الرغبة)، ضامتي ليباط، نحركوا، نضيفوا ورقة سيدنا موسى، مطيشة دلحك، نحركوا، و فالأخير، نزيدو الكولي ديال مطيشة، سنيدة. و منين تطيب، نخويوها فإناء. الطماطم غنية بالسيلينيوم الضروري لنمو الشعر والأظافر و لإشتغال الغدة الدرقية.
- نرجعو دابا للعجينة لي كنخدمو شوية و نحيدوا منها الغاز بهاد الطريقة. نشكلو منها كويرات و بعدة أحجام، و نمددوها على شكل بيضوي او ovale. و دابا، غندلكو الكويرات بالمدلاك و نحطوهم فلاطة فوق papier cuisson و من بعد، نوجدوا صفر البيض، و نقطعوا jambon ديال لداند مربعات صغار، و نديروا la sauce tomate ف un biberon ، و نديروها فوسط العجينة، و نزيدوا عليها طريفات الشاركيتري، الموزاريلا، و نبداو نصيبوا البليغات.
- باش إتسدو البليغات و ميتحلوش فالطياب خاصنا نقرصو مزيان العجينة بهاد الكيفية ونسدوهم و حنا باديين من الفوق حتى نحصلو على بليغات. ومن بعد كندهنوهوم بصفر بيضة، و نسدوا الفم بالموزاريلا، و ندردرو عليهم الجنجلان وبدور الخشخاش ، ونحطوهم فالفران من 10 حتى ل 15 دقيقة على حرارة 180 درجة. باش نحتفضو على الأعشاب المنسمة لمدة أطول، كنحطوهم فالعلبة ديال مكعبات التلج أو le bac à glaçon، كنزيدو عليهم زيت الزيتون و نخليوهم يجمدو. و ملي نحتاجهم، نجبدوهم و نستعملوهم.
- و منين نبغيو نقدموهم، نزينوا البليغات ديالنا بشوية ديال الخص ، و نقطعو أوراق Ciboulette، و ندردروهم عليهم بهاد الشكل.
و بالصحة و الراحة!
شاركي برأيك
وصفات ناجحة او رائعة