طريقة التحضير
0/0 الخطوات المستعملة- نديرو 250 غ ديال الدقيق مغربل في إناء، نضيفو ليه السكر كلاصي، رشة ملح، 2 أكياس كاكاو إديال، نخلطو النواشف، و نضيفو ليهم 150غ ديال الزبدة و نخلطو بطراف اصباعنا حتى يترملو، نضيفو 2 صفار البيض و نجمعو
- في إناء، نديرو 150غ ديال الزبدة، السكر سنيدة، القهوة سريعة الذوبان، كيس سكر ڤانيليا إديال، نطربو هاد المكونات حتى ينساجمو، و نزيدو البيض تدريجيا وحدة بوحدة و حنا مستمرين فالتطراب، نزيدو بودرة اللوز و 30 غ ديال الدقيق نخلطو و نحتافضو بالخليط جانبا
- ابا نطلقو نصف كمية العجين بين قطعتين من ورق الطبخ، نحطو العجين في لاطة الفران، نطبعوها بإطار الحلويات و نقطعو الزوائد، و ناخدو القطعة الثانية من العجين و نسرحوها حتى هي باستعمال ورق الطبخ، نقطعو شرائح طولية و نلبسوها للاطار و نقطعو الجوانب من العلو بجهد 3 السنتيميترات تقريبا و نتقبوها بفورشيط، و نعمروها دابا بكريمة اللوز و القهوة لي درناها فجيب الحلواني و نبسطوها بمعلقة و ندخلوها لفران سخون على درجة حرارة 170 ملدة 40 دقيقة تقريبا.
- في إناء، نخويو ربع لتر حليب لي يكون بارد مزيان، نضيفو عليه مستحضر كريم شانتيي إديال و
نطلعوها بالطراب الكهربائي حتى نحصلو على كريمة واقفة و شادة فراسها، و نزينوها بالكريم شانتيي و نرشوها بكاكاو إديال من الفوق.
شاركي برأيك