طريقة التحضير
0/0 الخطوات المستعملة- في قسرية، نديرو الدقيق مغربل، نزيدو عليه خميرة الخبز، الملح، السكر سنيدة، زيت المائدة، و نجمعوالعجينة بالماء و ندلكوها مزيان و نديروها في إناء و نغطيوها بفيلم غذائي و نخليوها تخمر، من بعد ما يتضاعف الحجم ديالها، نقطعوها أجزاء صغار و نكوروها ، نعاودو نرشو سطح العمل بالدقيق و نسرحو كل كويرة على شكل الصغير، إلى بغيتو توجدو طاكوس كبير ماعليكم غير تكبرو الكويرات ديال العجين، و من بعد مباشرة، نطيبو عجين الطاكوس في مقلة على عافية متوسطة من كل جهة و كانصحوكم أ الحادكات، غير نزولو خبز الطاكوس من البوطة نغطيوه مباشرة بمنديل باش مايكرمش ويبقا طري! و نكملو بنفس العملية حتى نكملو العجين ديال الطاكوس كامل.
- في كاسرونة، نديرو الحليب، ملعقة كبيرة من مستحضر صلصة بيشاميل ضامتي، نخلطو بالطراب
اليدوي و نشعلو عليها و نستمرو في التخلاط حتى تقال و نحتافظو بها فإناء، و في مقلة، نديرو زيت الزيتون، رشة ديال الملح، البصلة مشلضة و نحركوها حتى تطيح، نزيدو الدجاج، عطرية جافانا مشويات، نخلطو، نفرتو بنة الطياب ضامتي زعفران، القزبر مقطع، نخلطو و نزيدو صلصة
البيشاميل تدريجيا حتى نحصلو على القوام لي بغينا و نحتافضو بشوية للتزيين و نحتافضو بالحشوة
في اناء - ناخدو إطار، نقطعو بيه خبز الطاكوس، باش يجي كامل قطع متساوية، نعمروه بالحشوة، و نستفوهم في المول و كانصحوكم أ الحادكات، باش الطاكوس ياخد شكل الطاكوس الكسيكي و يبقى واقف و مايتحلش، نكاليوه بزوج زلفات بهاد الطريقة حتى نكملو الدورة ديال المول و إلى شاطت لين الحشوة يمكن لينا نزيدوها عليهم من الفوق، نرشو الفروماج إيدام محكوك و ندخلو لي طاكوس ديالنا يتكراتيناو في فران سخون على درجة حرارة 200 لمدة 5 الدقائق.
شاركي برأيك