طريقة التحضير
0/0 الخطوات المستعملة- باش نوجو 2 عجينات، وحدة بالڤاني و وحدة بالكاكاو ،نقسمو المكونات على زوج، غادي نوجدو العجين الأول ديال الفانيلا ، ناخدو الزبدة و سكر السنيدة و كيس سكر فانيليا إديال و قبسة الملح و نخدمو المكونات مزيان بيدينا، حتى نحصلو على كريمة، نفقصو البيضة، و نخدموها، عاد نزيدو بودرة اللوز ، و الدقيق مغربل تدريجيا، و نجمعو العجينة و باش مايتجمعش لينا الصابلي في الفران و مايجيش قاصح ماندلكوش العجينة نهائيا، نغطيو العجين ببالستيك غدائي و نحتافضو بيه جانبا.
- غادي نوجدو دابا العجين الثاني ديال الكاكاو، ناخدو الزبدة و سكر السنيدة و كيس سكر فانيليا إديال و قبسة الملح و نخدمو المكونات مزيان بيدينا، حتى نحصلو على كريمة، نفقصو البيضة، نزيدو كاكاو إديال لي 100 في 100 كاكاوطبيعي و بودرة اللوز، و الدقيق مغربل تدريجيا، و نجمعو العجين مزيان حتى يبان لينا الخليط وال قهوي و نغطيوه ببالستيك غدائي
- في طاولة العمل، نفرشو ورق الطبخ، و نحطو فيه عجين الڤاني نقادوه بيدينا و نغطيوه بورق الطبخ و نطلقوها بالمدلك باش نحصلو على مربع العلو ديالو سنتيمتر،1 و بنفس الطريقة نطلقو العجين ديال الكاكاو، و باستعمال فرشاة نفزكو العجين بالماءباش نلصقو فوقها عجينة الڤاني و نغطيوها بورق الطبخ و ندخلوها للمجمد لمدة 15 دقيقة.
- من بعد ما خرجناها من للمجمد، نطبعو فين غادي نقطعو باستعمال ورق العرض ديالو 1 سنتيمتر و من بعد نفرقوهم بهادالشكل ، نشكلو المجموعة الأولى، ندهنو وحدة بالماء و نحطو فوق منها وحدة أخرى مخالفة معاها و نعاودو ندهنوهم بالماء و نحطو فوق منها وحدة أخرى و نحطوها جانبا و نوجدو مجموعة ثانية و نلصقوها مع المجموعة الأولى و يكونو ديما مخالفين و نكملو العجين بنفس الطريقة و ندخلوهم للفريكو حتى يتجمع. باش نقطعوهم بكل سهولة
- ومن بعد ما خرجناها من الفريكو نقطعوها و نستفوها فوق ورق الطبخ و ندخلوها للفران على درجةحرارة 150 لمدة 15 دقيقة
شاركي برأيك