طريقة التحضير
0/0 الخطوات المستعملة- ناخدو مقلة، و نديرو فيها شوية زيت العود و نزيدو عليها البصلة، الفلفلة صفراء و الفلفلة حمراء، ونحركوهم و نخليوهم يتشحرو، من بعد نزيدو الكرعة و خيزو و نخليهم يتشحرو، و نزيدو عليهم ضامتي غنمي وخليو الحشوة تنشف من الماء ليطلقو الخضر، و نطفيو عليها و نزيدو المعدنوس.و نخليوه تبرد مزيان.
- في قسرية، نغربلو الدقيق و فينو مع خمارة إديال، نزيدو السنيدة ، قبسة الملح، معلقة كبيرة
ديال الزيت، نفقصو بيضة ونجمعو العجينة بشوية الماء دافئ حتى تولي رطبة و ماتبقاش تلصق. نخليوها ترتاح 10 دقايق و من بعد ندهنو يدينا بشوية الزيت ونقسموا العجين على شكل كرات صغار، نغطيوهم و نخليوهم يرتاحو لمدة 15 دقائق. - ندهنو طاولة العمل بالزيت و نطلقو العجينة من الداخل للجناب و كانصحكم أ الحادكات، و نرقوها حتى تقرب تبان لينا طاولة العمل باش يجي مورق و مقرمش، ندهنو بشوية الزيت و نحطو الحشوة و الفروماج و نسدو عليهم و نقادو مزيان العجينة على طول و نجمعوهم بهاد الشكل باش يجينوا المسيمنات مقادين و نستفوهم في لاطة ديال الفران فيها ورق الطبخ و نضغطو عليهم كاملين شوية من الفوق و نطيبوهم على درجة حرارة 180 لمدة 20 دقيقة
- من بعد ما خرجو،
دهنوهم بخليط البيض و الصوجا و وردوهم للفران لمدة 5 دقائق
و ملي نخرجهم نديرو فوقم شوية الفروماج و الپاڤو
شاركي برأيك