خبز البرغر

طريقة التحضير

1. أول حاجة غادي نحضروا العجين، نغربلو الطحين في اناء، نكونو حفيرة صغيرة و نزيدوا الملحة، السكر و الخميرة ، الحليب، بيضة و نرملو مزيان و نزيدو الزبدة بحرارة المطبخ ، و نعجنوا الكل مزيان و نزيدو شوية الماء دافئ، باش تجمع لينا، و نقلبوها فوق الرخامة مباشرة باش نتحكمو فيها و ندلكوها من 8حتال 10دقائق و نردوها للاناء لي كانت فيه و نغطيها ببالستيك غدائي و نخليوها تخمر حتى يتضوبل الحجم ديالها، و من بعد نعريوها، و ندهنو يدينا بالزيت مزيان و نخرجوها من المول و نحطوها فوق سطح العمل و نقسموها على ، 8و نقادوهم بهاد الطريقة، و نغطيوهم بمنديل و نخليوهم يرتاحو شوية.
2. ناخدو عجانة، و نديرو فيها العجينة لي خمرات و نزيدو عليها أصفر البيض، الحليب، فينو ، الملح، الزبدة 20 غ ديال الخميرة و السكر سنيدة وسكر ڤانيليا إديال و نعجنو الكل من 8حتال 10 دقائق و من بعد نخليوها تخمر، و نقسمو العجين على 12 قطعة و نكوروهم بهاد الطريقة و نغطيوهم و نخليوهم يرتاحو شوية، ندردرو شوية الدقيق على طاولة العمل، نرقو الكويرات شوية بصباعنا و نبسطوهم باستعمال المدلك و نحطوهم فوق ورق الطبخ، وناخدو قطاعة دائرية بقطر 2 سنتيمتر و نغطسوه في الدقيق و نديرو بيه تقيبات بهاد الطريقة فالوسط و نغطيوهم ونخليوهم يخمرو من بعد نطيبوهم .
3. باش نوجدو الكاليط ديال البطاطا، ناخدوا مقلة، نديرو فيها شوية الزيت نشحروا فيها البصلة و نزيدو الثومة، على عافية متوسطة، نزيدو الابزار حسب الرغبة، و نزيدو بنة الطياب ضامتي ديال الربيع و تبقوا نحركو حتى تطلق الحلاوة ديالهاو تكاراميليزا، نديرو البطاطا المحكوكة لي سبق لينا عاصرناها من الماء ديالها في إناء و نضيفو عليها البصلة لي شحرنا و نخلطوامزيان و نزيدوا البيض باش تجمع لينا الكاليط، و في نفس المقلة، نديرو شوية الزيت و نحطو إطار دائري، و نخويو وسط منو بالمعلقة الخليط و نبسطوها بالمعلقة باش نحصلو على كاليط ، نتسناوها حتى تحمر من التحت و نقلبوها باش تحمر من الجهة الاخرى و نزولوها من على العافية، ونعاودو نفس العملية حتى نكملو كاع ليكاليط.
4. نقسمو البرغر على 2 و نعمروه بالكاليط و صلصة من اختياركم