طريقة التحضير
0/0 الخطوات المستعملة- فإناء، نديرو البيض، الملح،، كاس ديال السكر ، ساشي سكر ڤانيليا إديال، و نطربو بالطراب الكهربائي .. نزيدو الزيت، كاس ديال الحليب، نزيدو الكوك، اللوز مهرمش، البيسطاش مهرمش، نكهة البيسطاش، نزيدو السميدة رقيقة، ساشي و نصف من خميرة الحلويات إديال و نطربو كولشي بالطراب الكهربائي .. و نخويو الخليط فإناء زجاجي و نديوه يطيب على درجة حرارة 170 لمدة 35 دقيقة
- فكاسرونة، نديرو كاس ديال الحليب، الفروماج المثلث، 3 المعالق سكر، نخلطو… و نزيدو 2 معالق كبار من دقيق الذرة الممتازة مايفين إديال، نخلطو و نشعللو عليه على عافية مهيلة حتى تبان لينا عقادت و نطيفيو عليها و نزيدو الباغورت و نخلطو
- من بعد ما خرجنا البسبوسة من الفران، نسقيوها بالسيرو.. و نزيدو الكريمة لي وجدنا و نزينو بالبيسطاش مهرمش و الورد البلدي.
الشكل كايجي راقي و غزاااال!! و المذاق يا سلام!!! بالصحة و الراحة
شاركي برأيك