بريوات مالحين

طريقة التحضير

1. كنخدوا إناء، و نديرو فيه الشومبينيون، نضيفو حك ديال الطون، نزيدوا ricota (و إلى كتحبب لينا، نعرفوا بأن الريكوتا طريةConseil)، الهريسة على حسب الذوق، نضيفو بيضة، و فالاخير كناخدو farcimi delpacha و نقطعوه طريفات صغار و نضيفوه فالإناء، و نخلطو كلشي. واش عرفتي بلي الريكوتا بحال أنواع الفرماج لوخرين مصدر مهم للكالسيوم و البروتينات.
2. أول حاجة كنخدوا avocat، نقشروها ، و نقطعوها طريفات صغار كيف كتشوفو،  نحطوها فالإناء، و نمعسوها بالفورشيطة حتى نحصلو على كريمة. من بعد، نزيدو 2 بيضات مسلوقين و محكوكين، حك ديال الطون، 3 معالق كبار ديال البورو، الزيتون الكحل، فروماج محكوك، 2 معالق كبار فلفلة حمرة، البزار و الملحة على حسب الرغبة، بنة الطياب ثومة و فالاخير، نخلطو كلشي. 
3. كنخدوا مقلة، و نخويو فيها شوية ديال الزيت، نزيدوا الزبدة، نحركوا شوية ، و نزيدوا نص بصلة مقطعة، نحركوا، نزيدوا الكرعة محكوكة، نحركوا عاود، و نضيفو الكفتة، و نحلوها كيف كتشوفو باش تطيب مزيان و تجانس مع المقادير الأخرى.  نزيدوا المعدنوس، نخلطو، و نضيفو 2 معالق صغار ديال curry، نزيدوا البزار على حسب الرغبة. و فالاخير، كنضيفو نص ضامتي بكري، نخلطو كلشي، و نبقاو نحركوا حتى يتشحر لينا مزيان، و نطفيو عليها، و نحرصوا باش نصيفو الحشوة من الزيت. إلى بغينا نحافضو على بعض المقادير للي شاطو لينا، كناخدو كيس خاص بالتجميد، و نخشيو فيه البصلة مثلا،  ندخلوا فيهجعبة ديال البلاستيك أو la paille، و نسدوا الكيس كيف كتلاحضو على حد الجعبة. من بعد، نخرجوا الهواء كلو للي بقا لداخل، نحيدو الجعبة، نسدوا الكيس و نحطوه فالثلاجة أو الكونجلاتور.
4. و دابا، كنديرو البريوات يتقلاو من بعد ما سخنا الزيت، و منين يتحمرو و يولي لونهم ذهبي، كنحيدوهم و نحطوهم يتقطرو من الزيت. و فالتقديم، كنقترح عليكم نحطوهم بهاد الشكل مثلا، و نزينوهم بشوية ديال التحميرة.  و بالصحة و الراحة!