طريقة التحضير
0/0 الخطوات المستعملة- كنبداو بالبصلة طريقة سهلة باش تقطعو البصلة و مطيشة باستعمال مشطة بحل هادي، غرسوها فلخضرة لي بغيتو تقطعو و دوزو الموس فالفراغات. بهاد الطريقة كتحصلو على شرائح و مكعبات بأسهل ما يكون.
- كنخدوا السردين هو الأول وكنمعسوه مزيان قبل منزيدو ليه الجبن الطري و بنة الطياب تومة . واش كتعرفي بأن السردين من الأسماك الأكثر احتوائا Omega3 .
كنقطعو لبصلة رقيقة ونزيدوها حتى هي مع العصير ديال حامضة. وهاهي الكريمة ديالنا واجدة. يمكن لينا نتدوقوها مع للي بغينا. - باش نصايبو صبيعات الموزاريلا مقليين، كنوجدو الشابلير ف طبسيل غارق وكنديروا بيضة فزلافة. و نزيدوا عليها الطحين و Mayfine ، كنضيفو كاس ديال لما ونخلطو حتى نحصلو على عجين متجانس.
- من بعد، كنقطعوا الموزاريلا. على شكل صبيعات و كنبداو نغطسوهم فالخليط ديال الطحين والبيض، من بعد نديرهم شابلير حتى يتغطاو بها مزيان.
من بعدما درنا كمية كافية من الزيت، كنحطوهم إتقلاو ونحضيو معاهم مزيان باش إتحمرو من جوايه كاملين. - بالنسبة القيمرون مشرمل، كنديرو الزيت فمقلة يسخن، ونحطوا les crevettes إتشحرو، نضيفوا عليهم بنة الطياب تومة و لفلفلة الحمرة، و الفلفلة الحارة(على حسب الذوق)، او المعدنوس مقطع و نشحروا كلشي مع التحراك لمدة 3 دقايق.
- أما pain Tumaca ما كاينش ما سهل منو. كنخدو مطيشة محكوكة، نزيدوعليها معلقة صغيرة مطشة دلحك و نص ضامتي ليباط و نخلطوا مزيان، من بعد، كندهنو بيها طريفات ديال الخبز ديالنا و ندخلوهم للفران يتحمروا لمدة 5 على درجة180.
شاركي برأيك