طريقة التحضير
0/0 الخطوات المستعملة- مفي إناء، نديرو الدقيق مغربل، نزيدو عليه الخميرة، الملح، السكر سنيدة، الحليب و زيت الزيتون، نجمعو العجينة بالماء ونخليوها تخمر 15 دقيقة، من بعد، نرشو الطبسيل فين غادي نوضعوها بالدقيق و نقسموها على 6 الكويرات و نخليوهم يخمرو.
- ناخدو مقلة سخونة، نديرو فيها زيت الزيتون، البصلة، نفرتو ضامتي ديال الثومة، نخلطوهم العناصر و نخليهم يتشحروشوية ، نزيدو مطيشة، الكرعة ، نخلطو ، و نفرتو ضامتي بكري و نرويو بالماء و نزيدو الربيع و نخليوها حتى تنشف من الماءو نطفيو عليها و كانصحوكم الحادكات، نخليو الحشوة تبرد كليا باش ماتخرجش لينا من العجين
- من بعد ما بردات لينا الحشوة و خمرو كويرات البيتزا، نرشو الدقيق على طاولة العمل و نحطو فيه كرة ديال العجينة، نسرحوها بالمدلك و نضربوها بيدينا بهاد الطريقة باش ترخى و تجينا ساهلة ملي نبغيو نجمعوها و نعاودو نفس العملية، حتى نكملو جميع الكويرات، و ناخدو عجينة وحدة و نسرحوها مرة أخرى بيدينا و نحطو وسطها معلقة ديال صلصة مطيشة في الوسط، بلا مانديعوها و الحشوة ديال الخضر لي وجدنا و شوية الفروماج محكوك و نجمعو البيتزا على شكل كورة و نستفوهم فوق لاطة ديال الفران مفرشة بورق الطبخ، و ندخلوهم الفران سخون على درجة حرارة 220 و نخليوها تطيب لمدة 20 دقيقة، و ملي يطيبو، ندهنوهم بزيت الزيتون و نحطو فوق منهم الفروماج محكوك و عريش القزبر .
شاركي برأيك