طريقة التحضير
0/0 الخطوات المستعملة- في إناء، نديرو البيض و 150غ ديال السكر سنيدة و نطربو… نزيدو 80 مل ديال الحليب و الزيت و نستمرو فالتطراب نزيدو الدقيق، 4 أكياس كاكاو إديال، ساشي وربع من خميرة الحلويات إديال، رشة ديال الملح و نخلطو بالطراب اليدوي… نزيدو الكرعة محكوكة و نخلطو حتى كايولي العجين متجانس، و نعمرو به الأكياس الورقية الخاصة بالكابكيك CONSEIL, و كانصحوكم أ الحادكات، تستعملو في التعمار المعلقة ديال عبار لكلاص باش تسهل علينا الخدمة و تجينا نفس الكمية في الكابكيك كاملين.
في إناء، نديرو نصف لتر حليب، نزيدو عليه 40 غ سكر سنيدة، 2 معالق كبار من مستحضر كريم باتيسيير إديال ديال الحامض أي ما يعادل 40غ و نحركو كولشي بالطراب اليدوي… ماي تبان لينا عقادت، نطفيو عليها، نخويوها فإناء و نغطيوها بفيلم غذائي بهاد الشكل باش ماتكونش قشرة من الفوق و نخليوها تبرد بلا ثلاجة غير بدرجة حرارة الغرفة- من بعد ما بردات الكريم باتيسيير ديال الحامض، نزيدو عليها الزبدة، نطربوها مزيان حتى نحصلو على كريمة الزبدة متجانسة، نديروها في جيب الحلواني و نزينو بها الكابكيك من بعد ما طاب و برد من الفوق بهاد الطريقة و كلمسة أخيرة يمكن ليكم تزينو اختياريا بلي متوفر عندكم في الدار ، فيرميسيل ديال الشكلاط أو العقيق…
شاركي برأيك