لازانيا

طريقة التحضير

1. 
   في مقلة، نديرو زيت الزيتون، الثومة، نزيدو مطيشة محكوكة، و نسمو بوريقات موسى و نخلطو و نخليوها تطيب حتى تنشف و نزولو. الثومة و وريقات موسى، و نزيدو مركز الطماطم و معجون الطماطم، الإبزار، نفرتو ضامتي ليباط و في الأخير نزيدو الكفتة و نخلطو و نخليوها حتى تطيب.
   
2. ندوزو دابا لتحضير صلصة البيشاميل، نديرو الحليب بارد فكاسرونة، نزيدو عليه 2 معالق كبار من مستحضر صلصة البيشاميل ضامتي (أي ما يعادل 40 غ) و نطربو بالطراب اليدوي مزيان و نشعلو عليها حتى تعقاد … و نطفيو عليها و نضيفو القشدة الطرية، نخلطوها و نحتافضو بها.
   
3. 
   و دابا نبداو نعمرو في مول الكراتان، نديرو طبقة لازان ، طبقة صلصة الكفتة و مطيشة، نقادوها، و نزيدو طبقة البيشاميل و نوزعوها حتى هي و نديرو رشيشة ديال الفروماج إدام محكوك و نكملو بنفس الترتيب حتى نعمرو المول و كانصحوكم أ الحادكات، تستعملو رقائق لازانيا قابلة للطهي مباشرة في الفرن. و إلى مالقيتوهومش استعملو رقائق لازانيا لي كاتصلق في الماء عاد كادخل للفرن . و ملي نكملو جميع الطبقات، نساليو بطبقة البيشاميل و نزيدو عليها فروماج إدام محكوك و فروماج موزاريلا محكوك و ندخلو لازانيا ديالنا للفران تطيب على درجة حرارة 180 لمدة 20 دقيقة