طريقة التحضير
0/0 الخطوات المستعملة- إلى بغينا نقطعوا البصلة بلا ميدمعوا لينا العنين، كنشعلو شمعة كيف كتلاحضوا عاد نبداو و دابا، كناخدوا مقلة، نشعلوا عليها ونديروا فيها الزبدة، الزيت، البصلة للي قطعنا ، شوية ديال الملحة على حسب الرغبة، و نبداو نقلليوها، و منين تبدا تذبل، كنزيدو الكفتة، و نبداو نشحروها مع البصلة كيف كتشوفو. من بعد، نضيفوا الكرعة محكوكة ، خيزو محكوك، و نبقاو نحركوا و نمعسوا الكفتة باش تفرتت و تجانس مع الخضيرة ديالنا، نزيدوا التحميرة على حسب الذوق، سكنجبير، البزار على حسب الرغبة، نخلطو كولشي. من بعد، كنزيدوا مطيشة ديال الحك، و نحركوا. القرعة الخضرة غنية بالبوتاسيوم.
- من بعد، كنضيفوا نص ضامتي بكري و بنة الطياب للي كتعوض ليكم الثومة و تنسم ليكم الطياب، و الملون الطبيعي السنسلة، و نبقاو نحركو حتى تنشف لاصوص. و فالأخير، كنضيفوا القزبر و المعدنوس، نحركوا شوية و نطيفو عليها.
- و دابا، كناخدوا إناء صغير ونخويو فيه 3 معالق كبار ديال الزيت، نزيدو بيضة و كاس ديال الحليب، و نخلطوهم مزيان، من بعد، كناخدوا الورقة، و ندهنوها بالخليط من الجهة الحرشة هي الأولة عاد ندهنوا الجهة الرطبة. من بعد، كنعمروها بالحشوة ديال الكفتة، نزيدوا فروماج ديال السندويتش، و نطويوها بهاد الشكل كيف كتشوفو، و نكملوا بنفس الطريقة الرغايف للي بقاو.
- و الآن، كناخدوا مقلة، نشعلوا عليها، نسخنوها بشوية ديال الزيت، و نبداو نطيبواا فالرغايف ديالنا، و نقلبوهم مرة مرة باش يشربوا الزيت و يتحمروا على 2 جيهات، نوقفوهم على الجنب باش يتحمر حتى هو، و منين نحصلوا على النتيجة للي بغينا نحيدوهم من العافية.
- و دابا، يمكن لينا نقدموه مع الهريسة على حسب الذوق و شي بريريد ديال أتاي مشحر.
و بالصحة و الراحة
شاركي برأيك
طريقة رائعة الله يعطيك الصحة