طريقة التحضير
0/0 الخطوات المستعملة- كنخدوا إناء، و نخويو فيه الزبدة، سنيدة، و نطربوا بالطراب الكهربائي، من بعد، كنهرسو 6 ديال البيضات، و نخويوهم فالخليط و نبقاو نطربوا حتى يولي الخليط بيض و دابا، كنزيدو العسل، و نطربوا، نضيفو القشدة الطرية، و نبقاو نطربوا، من بعد، كنزيدو الخميرة على الطحين، نخلطوهم و نغربلوهم فإناء و دابا، نخويو zest ديال الحامض على الخليط، و نطربوا، نزيدوا شوية ديال عصير الحامض و نطربوا عاود، من بعد، نبداو نضيفوا الطحين تدريجيا و نبقاو نطربوا حتى يتجانس الخليط ، فالاخير، كنحطوالخليط يرتاح فالثلاجة لمدة 15 دقيقة.
- باش ميلصقش لينا الكيك منين يكون يطيب، كنخدوا شيتة ديال الطبخ، و ندهنو le moule مزيان من الداخل بزبدة رطبة، و نخويو فيه شوية ديال الطحين، و نبقاو نحركوا le moule بهاد الطريقة حتى نحصلو على هاد النتيجة و دابا كنخدوا جيب حلواني، و نخويو فيه الخليط، و نعمرو الطابق الأول و نخليوه يرتاح فالثلاجة لمدة 10 دقايق، كنخدوا عاود جيب حلواني، و نعمروه بالخليط، من بعد مرتاح الطابق الأول، كنزيدو طريفات ديال البنان فالوسط، و نزيدوا الطبقة الثانية من الخليط فوق منو و نحركواle moule بهاد الطريقة، و نردوه عاود يرتاح فالثلاجة 10 دقايق، البنان غني بالكربوهيدرات لي هي من أهم مصادر الطاقة في الجسم
يحتوي الموز على نسبة كبيرة من الكربوهيدرات التي تعد من أهم مصادر الطاقة في الجسم. من بعد مرتاح الطابق الثاني، كنزيدوا من الفوق طريفات البنان و ندخلوه للفران يطيب لمدة 45 حتى ل 55 دقيقة على حرارة 160 درجة - و دابا كنخدوا كاصرونة، و نخويو فيها سنيدة، العسل، ربع كأس ديال الما، و نشعلوا عليها، و نبقاو نحركوا، نزيدوا شرائح الحامض، و نضيفو سكر فاني اديال، و نحركوا، و نخليوه حتى يتعسل و نطفيو عليها و باش نعسلو البنان و نضيفو ليه نكهة و مذاق أحسن، كنخدو شوية ديال sirop للي عسلنا به الحامض، و نخويوه فمقلة، و نزيدوا شوية ديال الزبدة، نذوبوها و نزيدوا طريفات ديال البنان،و نبداو نعسلو فيه و منين يبدأ يتحمر البنان، كنقلبوه باش نحمرو الجهة الأخرى، و نزيدوا طريفات ديال الحامض للي وجدنا مع sirop باش يتعسلو حتى هما، من بعد، كنحيدو البنان و منين يتعسل الحامض، نحيدوه حتى هو.
- من بعد ما طاب الكيك، كنحيدوه من le moule، و نسردوه ب sirop بهاد الكيفية، و دابا، كنقترح عليكم تدردرو عليه اللوز مهرمش و محمر، و شوية ديال سكر كلاصي، و فالتقديم، كنخدوا طريفات ديال البنان للي عسلنا، و نحطوهم فوق الكيك بهاد الشكل، نزيدوا طريف ديال الحامض للي عسلنا فلوسط، و نزيدوا البنان للي شاط.
و بالصحة و الراحة.
شاركي برأيك