طريقة التحضير
0/0 الخطوات المستعملة- أول حاجة، نوجدو مرق الدجاج، نفرتو 3 ضامتي ديال الدجاج في الماء سخون و نخلطو مزيان بالطراب اليدوي باش يذوبو.
- ا ناخدو مقلة نشعلو عليها، و نديرو فيها زيت الزيتون، الروز، نخليوه شوية يتقلا، نزيدو الابزار، نخلطو، نزيدو الفلفلة، الكرعة، الشومبينيو و نحركو كولشي و نزيدو مرق الدجاج بشوية بشوية حتى يتشرب كليا، و نسرحو كولشي فلاطة و نضيفو عليه الفروماج، الربيع، و الكركاع و نخلطوهم مع
بعضهم و نخليوهم يبردو و نشلكو منهم كويرات. - نفقصو 2 بيضات و نطربوهم، و نغطسو الكويرات ديالنا في البيض، و من بعد في الشابلير و نعاودو نفس العملية مرة أخرى باش يجيو مقرمشين أكتر و نكوروهم مزيان و نحطوهم يتقلاو في الزيت سخونة على درجة حرارة 200
- كانقتارحو عليكم نقدمو كويرات الروز مع صلصة الطماطم و شوية الحبق
شاركي برأيك