طريقة التحضير
0/0 الخطوات المستعملة- في إناء. نديرو الدقيق، البيض، السكر سنيدة، نفرتو بنة الطياب ضامتي ديال الثومة، نطربو، و نبداو نزيدو الحليب تدريجيا، و نزيدو الزبدة و نستمرو فالتطراب حتى يتجانسو جميع العناصر و نغطيو العجين بفيلم غدائي و ندخلوه يرتاح فالثلاجة لمدة ساعتين.
و دابا ندوزو لتحضير الحشوة،، في مقلة, نديرو زيت الزيتون، البصلة، الفلفلة خضراء، الفلفلة حمراء، نفرتو ضامتي ديال الحوت، الإبزار + التحميرة ، نحركو حتى تبان لينا الخضرة طاحت و نزيدو مركز الطماطم، الحامض، القزبر و المعدنوس و نخلطو الكل، نضيفو الهريسة حسب الذوق، الطون ، نفرتوه مزيان و نزيدو الزيتون الأسود في الأخير و نخلطو و نحتافضو به.
- تاخدو مقلة، و نمسحوها بشوية الزبدة باش ماتلصقش و نطيبو فيها الكريب
ناخدو الكريب و نعمروهم بالحشوة، نجمعوهم بهاد الشكل، نغطسوهم في البيض و من بعد في الشابلير و نستفوهم في اللاطة و ندخلوهم للفران على درجة حرارة 180 حتى يتحمرو
شاركي برأيك