طريقة التحضير
0/0 الخطوات المستعملة- في إناء، كانديرو البيض و 85 غ السكر و نطربوهم مزيان حتى يبياضو، نزيدو الزبدة، الملح و نستمرو فالتطراب، نزيدو الدقيق، قشور الحامض و ساشي و ربع ديال خميرة الحلويات إديال و نجمعو العجين، نديروه في فيلم غذائي و نحتافضو به في الثلاجة لمدة 30 دقيقة.
- في كاسرونة، نديرو ربع لتر حليب بارد، ملعقة و نصف سكر سنيدة و ملعقة كبيرة من مستحضر كريم باتيسيير إديال و و نحركوهم حتى تغلا و نطفيو عليها و كانصحوكم أ الحادكات تغطيو وجه الكريم بالفيلم الغدائي بهاد الشكل باش ماتكونش طبقة سميكة من الفوق و نحتافضو بها فالثلاجة.
- -من بعد ما ارتاح العجين، نديروه وسط المول و بشوية الدقيق نقادوه بيدينا بهاد الشكل و ندخلوه يطيب على درجة حرارة 170لمدة 25 دقيق
- في إناء، نديرو ربع الحليب بارد مع مستحضر شانتيي إديال و نطربو مزيان حتى نحصلو على شانتيي طالعة و نوضعوها في الجيب الحلواني.
كانصحوكم ا الحادكات ، ملي تخرجو الصابلي من الفران زولوه مباشرة من المول باش نتفاداو انه يلصق أو يتفرتت و نبداو نعمروه بالكريم شانتيي و الكريم باتيسيير و الفواكه الموسمية لي متوفرة عندكم و وريقات النعناع كايجي مداقو ھائل و الشكل دیالو عاطي للعین بالصحة و الراحة
شاركي برأيك