طريقة التحضير
0/0 الخطوات المستعملة- في إناء، نديرو الزبدة، نزيدو عليها سكر سنيدة و نخدموهم بيدينا مزيان حتى يذوب السكر و نزيدو زيت المائدة و القهوة سريعة الذوبان و نخدموهم بهاد الطريقة حتى ينساجمو جميع العناصر و من بعد نزيدوالبيسكوي، نخلطو و نزيدو فلان كراميل إديال، ربع معلقة صغيرة ديال خميرة الحلويات إديال و معلقة كبيرة من دقيق الذرة الممتازة مايفين إديال و نبداو نزيدو الدقيق تدريجيا حتى تجمع العجينة و كانصحوكم أ الحادكات ندخلوها تبرد في الثلاجة لمدة 10 الدقائق باش الزبدة تشد فراسها.
- من بعد ما برد العجين، نسرحوه فوسط ورق الطبخ و نقطعوه باستعمال الرشم و نستفوه في لاطة لي
لبسناها ورق الطبخ و ندخلو الصابلي ديالنا للفران يطيب على درجة حرارة 150 لمدة 15 حتال 20 دقيقة - ملي طاب البسكوي و خليناه برد مزيان نبداو التزيين، في الاول، نذوبو الشكلاط البيض و الاسود، و نغطسو فيه الصابلي و قبل ماينشف نزينوه بهاد المكونات الجميلة لي اختارينا، العقيق الفضي، الكراميل، البندق لي قسمنا على زوج، وريقات الورد و نبدعو في التزيين كيفما بغينا و نخليوه ينشف.
شاركي برأيك