طريقة التحضير
0/0 الخطوات المستعملة- في إناء، نديرو 5 المعالق كبار من مستحضر كريم باتيسيير إديال أي ما يعادل 60غ ، السكر سنيدة و نزيدو نصف لتر حليب، نخلطو، و نشعلو عليها العافية و نستمرو في التحراك حتى تعقاد و نطفيو عليها و نحتافظو بها فإناء و نغطيوها من لداخل بفيلم غذائي باش ماتكونش قشرة من الفوق و ندخلوها للثلاحة تبرد .
- في كاسرونة، نديرو 75 مل حليب، الماء، الزبدة، قبسة ملح، معلقة صغيرة من سكر ڤنيليا إديال و نحركو جميع المكونات بملعقة خشبية حتى يتجانسو، و نزيدو الدقيق و نخدموها بهاد الطريقة حتى تنشف و نطفيو عليها.
كانصحوكم أ الحادكات، نحلو العجين ديالنا بهاد الطريقة باش يبرد و ملي نبغيو نضيفو عليه البيض مايطيبش!! و ملي نحسو بيه برد نبداو نضيفو تدريجيا البيض وحدة بوحدة و حنا كانجمعو في العجين حتى يتجانس و نوضعوه في جيب الحلواني و نشكلو قطع صغيرة دائرية فلاطة لي لبسناها ورق الطبخ و ندخلوهم للفران يطيبو على درجة حرارة 175 لمدة 25 حتال 30 دقيقة حتى يتحمرو مزيان
- نطحنو الكريم باتيسيير في الطحان الكهربائي و نديروها في الجيب الحلولني و نبداو نعمرو لي شو بهاد الطريقة، فحال إلى غانتقبوهم بالبوق أو بسكين و نرشو عليهم من الفوق السكر كلاصي
شاركي برأيك