طريقة التحضير
0/0 الخطوات المستعملة- نديرو مقلة فوق العافية و نديرو فيها شوية زيت الزيتون و معلقة الزبدة، و نحطو الدجاج يتقلا على عافية متوسطة ونزيدو عليه الثومة ، الشومبينيو، الملح و الإبزار و ملي يوجد نطفيو عليه و نزيدو الحبق.
- في طنجرة، نديرو زيت الزيتون و معلقة الزبدة، نزيدو البورو، البطاطا، نخليوهم يتصوطاو و نزيدو السكينجبير، الإبزار، نرويو بنصف كمية الماء سخون و نفرتو ضامتي ديال الدجاج لي كاتزيدنا بنة خاصة للشوربة و نخويو الماء لي بقا لينا، نحركو كولشي و نسدو على الطنجرة و نقسو عليها العافية و نخليوها تطيب و ملي نطفيو عليها نحلو عليها و نطحنوها بالخالط اليدوي و نزيدو الفروماج محكوك و نحركو.
- و دابا، نزيدو على الشوربة ديالنا، الدجاج و الشومبينيو لي صوطينا، و نشعلو عليهم باش يتجانسو مع بعض ..
شاركي برأيك