حسوة بالشوفان

طريقة التحضير

1. لهاد الوصفة غانحتاجو كوكوط ونديرو فيها ¾ الزبدة و نشحرو فيها البصلة مقطعة، نزيدو الشوفان من بعد، نضيفو شوية دلما ونحركوو. واش كتعرفي بأن الشوفان يساعد على تخفيض نسبة الكوليسترول في الدم.
2. نضيفوعاود 2 كيسان ديال لما ، و نزيدو لبزار (على حسب الرغبة)ونحركو، نضيفو ضامتي دجاج والملون طبيعي،شوية دلما، ¼ الزبدة للي بقات والمعدنوس، القشدة الطرية، نحركو ونغطيوه، و نخليوه يطيب مدة 15 دقيقة على نار مهيلة. إلى جانا الخليط عاقد بزاف، نزيدو ليه شوية ديال لما طايب.
3. إلى بغيتي تحافضي على المعدنوس لمدة طويلة، خودي كاس و عمريه بشوية دلما وغطسي فيه لعريشات و غطيه بالكيس ديال التجميد و دخليه للثلاجة. كناخدو 4 معالق كبار زيت الزيتون و نزيدوا عليهم بنة الطياب ثومة (للي كتعوض ليكم الملحة و كتنسم لكم الطياب)، و نخلطوامزيان من بعد، كناخدو pain de mie  و نحيدوا ليه جنابو، وندخلووه للفرن لمدة 5 دقايق على 180 درجة ، من بعد متحمروا les tartines ديالنا، كندهنو بهم بالخليط للي وجدنا. 
4.  كنقدموالحسوة و هي باقا سخونة،و يمكن لينا نضيفوا ليها شوية ديال الزعتر  و البروكولي محكوكين و كنرافقوها بles tartines للي وجدنا، من بعد ما زدنا ليهم طريفات دلمزيودة و المعدنوس و حبييات دلبزار.

وبالصحة والراحة!