بيسكوي مقرمش اقتصادي

طريقة التحضير

1. في إناء، نديرو بيضة ،قبصة ملح ،السكر، سكر فاني اديال ، الزبدة و نطربهم جيدا بالخلاط الكهربائي حتى يتجانس الخليط من بعد نزيدو معلقة كبيرة من مستحضر كريم باتسيير اديال ، خميرة الحلويات اديال و دقيق لسبقلنا غربلناه، نزيدوه بشوية بشوية حتى يتجمع لينا العجين و ميبقاش كيتلسق و كنصحوكم الحادكات ما ضيفوش كمية كبيرة من الدقيق دقة وحدة باش ميقساحش و فنفس وقت ميكونش مرخوف باش يتشكل بسهولة نسرحو العجين بين ورق الطبخ ، نشكلو دوائر بطابع بهاد شكل او ممكن ديرو شكل ليبغتو ونتقبوه بهاد طريقة نستفوهم فلاطة، و ندهنوهم بخليط البيض ، الخل و الحليب و ندخلهم الفرن على 150 درجة لمدة 15 دقيقة
2. في حمام مريم ندوبو الشكلاط، ملي يدوب نزيدو 3 معالق ياغورت نديرو الكاناش وسط قطعتين من البيسكوي ونستمرو بنفس الطريقة حتى نكملو جميع القطع
3. و ها هو الشكل النهائي ديال البيسكوي كايجي هش و مقرمش يديوه الوليدات للمدرسة أولا خودوه مع أتاي ولا قهيوة العشية