بستيسيو و سندويش في الفرن

طريقة التحضير

1.  من بعد ما قطعنا البطاطا دويورات، كنديروها تقلا. كنخدوا كاصرونة، و نخويو فيها مستحضر بيشاميل ضامتي، و الحليب بارد، نحركوا شوية، و نشعلوا عليها. نبقاو نحركوا، و نزيدوا شوية ديال الملحة و البزار على حسب الرغبة، و نمعسو عليها ضرس ديال الثومة، و نبقاو نحركوا حتى تعقاد. 
2. و دابا، كنخدوا مقيلة، و نديرو شوية ديال la sauce béchamel للي وجدنا، و نزيدوا البطاطا مقلية، و نغطيوها بالبيشاميل عاوتاني، و نزيدو الفروماج محكوك و من بعد، كنخدوا hot dog delpacha و نحكوه على الفروماج، و نقادوه كيف كتشوفو، و فالاخير، كنغطيو كلشي بla sauce béchamel، و نكملو بالفروماج، وندخلوه للفران 15 دقيقة على حرارة 200 درجة.
3. إلى بغينا نعرفوا واش البيض باقي طري، كناخدو إناء عامر بالما، و نغطسوه فيه و إلى بقاو لتحت كيف كتشوفو، إذن البيض ديالنا طري، أما إلى عامو الفوق، عرفوا بأن البيض راه خاسر و دابا إلى كان عندنا خبز، sandwish بايت، و بغينا نعاودنستعملوه، كنقطعوه بالمقص بهاد الشكل من الفوق و نحيدو ليه البابا و دابا كنعمروهم، بالشومبينيون، الزيتون الكحل. واش عرفتي بلي الزيتون و الزيت ديالو كيحتويو على نوع من الدهون لي كيتسمى الأحماض الدهنية الأحادية غير المشبعة، و اللي مفيدة لصحة القلب، من بعد كناخدو hot dog delpacha و نقطعوه طريفات صغار و نضيفوهم لsandwidh، نزيدوا الفروماج محكوك، و فالاخير نهرسو فوق منهم البيض، و نحطوهم فالفران لمدة 10 الدقايق على حرارة 175 درجة. 
4.  و فالأخير يمكن لينا نزينو les sandwichs ديالنا بوريقات المعدنوس و نقدموهم مع Pasticcio للي وجدنا.
   و بالصحة و الراحة!