طريقة التحضير
0/0 الخطوات المستعملة- نبداو بتحضير la sauce tomate : كنخدوا كاصرونة و نزيدو فيها شوية د الزيت، البصلة و التومة و نحركوا شوية، نزيدو الملحة و ابزار، نحركوا و نضيفوا ماطشة ديال الحك و عصير ماطشة و نخلطو كلشي. من بعد، نزيدو ورقة سيدنا موسى و كأس ديال الما و نحركو شوية و نخليوها تطيب على عافية مجهدة مدة 3 دقايق و نقطعو القزبر و نزيدوه حتى هو، نحركو، ونخليوها 2 دقايق أخرى باش تعقاد.
- و دابا غنصايببو المرق : كنخدوا كاصرونة و كنديروا فيها الزيت. نقطعو بصلة على 4 ونزيدوها. نقطعو البورو و نضيفوهونقطعوا خيزو و نزيدوه حتى هو. نضيفو قشور القمرون و نحركوا. نزيدو زعيترة و اليزير و نحركوا و نخليوهم يتشحرو شوية. نضيفو 2 إترو دلما، الملون الطبيعي السنسلة للي كيعطي لون مميز لطيابكم، مكعب ضامتي زعفران و 2 مكعبات ضامتيدجاج، و نخليو كلشي يطيب30 دقايق.و منين يطيب، نصفيو المرق فالشبكة.
- كنديرو زيت نوار الشمس فالمقلة باش تسخن. و نزيدوا عليها البصلة،الدجاج. ملح و ابزار (على حسب الرغبة) و نحركو شوية. و مللي يتحمر الدجاج. ندفعوه ف جناب لمقلة و نحطو ماطشة محكوكة لوسط، و la sauce tomate ، نخليوها تزيد تعقاد و نضيفو، فلفلة حمراء و فلفلة خضراء و التحمرة. نخدوا المرق و نزيدوه. الفلفل غني بالفيتامين C الضروري لامتصاص الحديد
- نزيدو الروز بهاد الطريقة و نعليوه على المرق ب سنتيمتر. إلى بغينا البايلا ديالنا تنجح منخلطوش الروز ملي يكون كيطيب و بالتجربة، البايلا كتخرج البنة ديالها كاملة إلى خليناها ترتاح 5 دقايق قبل مانتذوقوها.
- من بعد، نزيدو القيمرون منقي و بوزروك ، نفرقو الروز و نزيدو بو زروك بال coquille ديالو و الكلمار و القيمرون بقشورو. ومن بعد 5 دقايق نغطيوها بورق الألمنيوم وف 10 دقايق اللخرة نزيدو الجلبانة و نخليوها تطيب حتى يتشرب المرق كولو. و إلى البايلا جاتكم ناقصة طياب، نزيدوا المرق و نكملو طيابها.
- فالتقديم، كنزينو البايلا بالحامض بهاد الطريقة.
و بالصحة و العافية!
شاركي برأيك