طريقة التحضير
0/0 الخطوات المستعملة- في اناء كنديرو البيض، رشة ديال الملحة مع سكر سنيدة و نخفقوهم مزيان لدة دقيقة تقريبا و كنزيدو
عليهم 225 مل الحليب، ثم نصف كمية الدقيق، بودرة الكاكاو إديال و خميرة الحلويات إديال و نكملو
الخفق و في الاخير نضيفو الدقيق لي بقا تدريجيا مع التحراك. - كنديرو مقلة تسخن و كانصحوكم أ الحادكات، ندهنو المقلة بالزبدة باستعمال ورق الطبخ حيت إلى حطينا مربع الزبدة كامل مباشرة، غايديع في المقلة و غاتحرق الزبدة، و نطيبو فيها البان كيك
من الجهتين و من الافضل اكونو من نفس الحجم، نخليوهم يبردو ونمشيو نوجدو الحشوة. - في اناء نخويو ربع لتر ديال الحليب لي خاصو ضروري يكون بارد و نزيدو عليه مستحضر الكريم
شانتيي إديال و نطربو حتى نحصلو على كريمة واقفة و نضيفو الجبن الطري و نعاودو نطربو حتى ينساجمو مع بعض و نوضعو الكريمة في جيب الحلواني و دابا، نبداو نعمرو، كناخدو قطعة من البانكيك و كنعمروها بالكريمة و نسدوها بالقطعة الثانية و نكملو بنفس الطريقة و ندخلوهم للمجمد 7 دقائق، من بعد ما يشدو فراسهم، ندوبو الشكلاط، و نغطسو فيه الجانب ديال البان كيك ديالنا و نخليوهم يبردو في الثلجة عاد نقدموهم
شاركي برأيك