طريقة التحضير
0/0 الخطوات المستعملة- نطحنو النوكة، و نديرو الدقيق مغربل في إناء، و نزيدو النوكة، قبسة الملح، نصف ملعقة صغيرة ديال خميرة الحلويات اديال نخلطو و نخليوهم جانبا.
و نديرو السكر في إناء نزيدو عليه سكر زهرة البرتقال إديال، البيض و نبداو نطربو بالطراب الكهربائي حتى كايبياض الخليط و نزيدو الزبدة دائبا تدريجيا بلا مانحبسو من التطراب و كانقسو من السرعة
ديال التطراب و نضيفو بشوية بشوية خليط الدقيق، حتى نحصلو على هاد الشكل ديال العجين، و نعمرو بيه جيب الحلواني و كانصحوكم الحادكات باش نحصلو على مادلين منفوخين خليو العجين للثلاجة لمدة ساعة.
من بعد ما جبدنا العجين من الثلاجة ، نعمرو بيه لي مول ديال السيليكون لي دهنا من قبل بالزبدة و ندخلوهم للفران لي سخنا من قبل على درجة الحرارة 200 لمدة 10 دقائق و بعد نهبطو الحرارة على درجة الحرارة 170 و نكملو ليهم الطياب 7 دقائق. - من بعد ما خرجنا المادلين من الفران، نزولوهم من المول و نحطو الشكلاط فبلاصتو و ندخلوه يذوب في الفران.
ومن بعد ما داب، نوزعوه بالملعقة و نحطو فوق منو المادلين و نضغطو عليها بشوية باش تشد بلاصتها و ندخلوهم للثلاجة لمدة 30 دقيقة.
شاركي برأيك